Bikanervala : દેશના ટોચના ઉદ્યોગપતિનું નિધન, રસ્તા પર રસગુલ્લા અને ભુજિયા વેચીને વધાર્યો હતો કારોબાર

Bikanerwala Business : મીઠાઈ અને નમકીનના શોખીન લોકો બિકાનેરવાલા બ્રાન્ડને ખૂબ પસંદ કરે છે. સોમવારે બીકાનેરવાલાના સ્થાપક લાલા કેદારનાથ અગ્રવાલનું 86 વર્ષની વયે અવસાન થયું. બિકાનેરવાલા બ્રાન્ડની શરૂઆત વિશે બહુ ઓછા લોકો જાણે છે, જે આજે હજારો કરોડની બ્રાન્ડ બની ગઈ છે. શરૂઆતમાં, કેદારનાથ અગ્રવાલ જૂની દિલ્હીમાં ભુજિયા અને રસગુલ્લા ટોપલીઓમાં વેચતા હતા. મૂળ બિકાનેરના અગ્રવાલ પરિવારની શહેરમાં 1905થી મીઠાઈની દુકાન હતી. કેદારનાથ અગ્રવાલ અને તેમના ભાઈ સત્યનારાયણ અગ્રવાલ 1950ના દાયકાની શરૂઆતમાં દિલ્હી આવ્યા હતા.

શરૂઆતમાં અમે બંને ભાઈઓ સંતલાલ ખેમકા ધર્મશાળામાં રહ્યા. તે સમયે ધર્મશાળામાં ત્રણ દિવસ રહેવાની પરવાનગી હતી. પરંતુ બંનેને ધર્મશાળામાં એક મહિના રહેવા માટે બિકાનેરના એક પરિચિત પાસેથી લખેલો ભલામણ પત્ર મળ્યો હતો. શરૂઆતમાં, બંને ભાઈઓ જૂની દિલ્હીની ગલીઓમાં બિકાનેરી રસગુલ્લા ડોલમાં અને બીકાનેરી ભુજિયા કાગળના બંડલમાં બાંધીને વેચતા હતા. તેમણે એકવાર કહ્યુ હતું કે જ્યારે દિલ્હીમાં અમારું કામ શરૂ થયું ત્યારે અમે ચાંદની ચોકની પરાઠા ગલીમાં ભાડે દુકાન લીધી હતી.

દિલ્હીના લોકોને પહેલા મગની દાળનો હલવો ખવડાવ્યો હતો 
દુકાન પર કામ વધારવાનો હોવાથી તેઓએ બિકાનેરથી પણ કારીગરો બોલાવવામાં આવ્યા હતા. તે કહે છે કે, આ પછી અમને નવા રોડ પર એક દુકાન મળી. અહીં દિલ્હીના લોકોને પહેલા મગની દાળનો હલવો પીરસવામાં આવ્યો હતો. દેશી ઘી વડે બનાવેલ મગની દાળનો હલવો લોકોને પસંદ પડ્યો. આ પછી તેમણે મોતી બજાર, ચાંદની ચોકમાં બીજી દુકાન ભાડે લીધી. તે સમયે દિવાળી નજીક હતી અને તેમની મીઠાઈઓ અને નમકીન સારી રીતે વેચાઈ હતી. તેઓ કહેતા હતા કે તે સમયે લોકોને અમારી મીઠાઈ એટલી પસંદ હતી કે અમારે એક મર્યાદા નક્કી કરવી પડી હતી કે વ્યક્તિ 10 થી વધુ રસગુલ્લા લઈ જઈ શકે નહીં. થયું એવું કે ગ્રાહકોની લાંબી લાઈનો હતી.

કરોલ બાગની સૌથી જૂની દુકાન
બંને ભાઈઓએ દુકાનનું નામ બિકાનેરી ભુજિયા ભંડાર રાખ્યું હતું. થોડા દિવસો પછી જ્યારે તેમના મોટા ભાઈ જુગલ કિશોર અગ્રવાલ દિલ્હી આવ્યા ત્યારે આ નામ જોઈને તેઓ ગુસ્સે થઈ ગયા અને કહ્યું કે અમે તમને અહીં બિકાનેરનું ગૌરવ લાવવા મોકલ્યા છે. આ પછી નામ બદલીને 'બીકાનેરવાલા' કરવામાં આવ્યું. આ 1956નો સમય હતો, ત્યારથી 'બીકાનેરવાલા' નામ આજ સુધી ટ્રેડ માર્ક રહ્યું છે. બંને ભાઈઓએ 1962માં મોતી બજારમાં દુકાન ખરીદી હતી. આ પછી તેણે 1972-73માં કરોલ બાગમાં એક દુકાન ખરીદી. આ દુકાન દેશ અને દુનિયામાં બિકાનેરવાલાની સૌથી જૂની દુકાન તરીકે ઓળખાય છે.

અહીંથી 'બીકાનેરવાલા'નો બિઝનેસ ધીરે ધીરે દેશ અને દુનિયામાં ફેલાઈ ગયો. આજે સ્થિતિ એવી છે કે દુનિયાભરમાં 'બીકાનેરવાલા' અને 'બીકાનો'ના નામના 200થી વધુ આઉટલેટ્સ છે. 'બીકાનેરવાલા'નો બિઝનેસ અમેરિકા, દુબઈ, નેપાળ, સિંગાપોર, ઓસ્ટ્રેલિયા, ન્યુઝીલેન્ડ સુધી વિસ્તર્યો છે. 'બીકાનેરવાલા' આજે 2000 કરોડથી વધુનું ટર્નઓવર ધરાવે છે.