ભારતના ઈતિહાસનું સૌથી મોટું મર્જર, ગ્રાહકો માટે મોટી ખુશખબરી, જાણી લેજો નવા નિયમો

HDFC-HDFC Bank Merger: HDFC અને HDFC બેંકના મર્જરને લઈને મોટા સમાચાર સામે આવી રહ્યા છે. ભારતના ઈતિહાસમાં સૌથી મોટું મર્જર 1 જુલાઈ 2023ના રોજ થવા જઈ રહ્યું છે, ત્યારબાદ શેરબજારમાં HDFC લિમિટેડના શેરનું ટ્રેડિંગ બંધ થઈ જશે. 1 જુલાઈથી, HDFC લિમિટેડ અને HDFC બેંક બંને મર્જ થઈ જશે અને તેઓ એક થઈ જશે. આ પછી બંને કંપનીઓ માર્કેટમાં સાથે મળીને બિઝનેસ કરશે.

30 જૂને બોર્ડની બેઠક યોજાશે
તમને જણાવી દઈએ કે 30 દિવસ પછી એટલે કે 3 દિવસ પછી HDFC અને HDFC બેન્કની બોર્ડ મીટિંગ યોજાશે, જેમાં મર્જરને અસરકારક બનાવવામાં આવશે અને વધુ માહિતી આપવામાં આવશે. મર્જર બાદ 13 જુલાઈથી બજારમાં HDFC લિમિટેડના શેરનું ટ્રેડિંગ બંધ થઈ જશે.

ગ્રાહકોને ઘણા ફેરફારોનો સામનો કરવો પડશે
બંને કંપનીઓના મર્જર બાદ ગ્રાહકોને ઘણા ફેરફારોનો સામનો કરવો પડશે. HDFC હાલમાં HDFC બેંકની તુલનામાં ફિક્સ્ડ ડિપોઝિટ (FD) પર વધુ વ્યાજનો લાભ આપી રહી છે, જે લોકોનું આ બેંકમાં ખાતું છે તેમને તેના નવા નિયમો જાણવા પડશે.

કરોડો ગ્રાહકોને અસર થશે
આ મર્જર બાદ બંને કંપનીઓના ખાતાધારકોને એક જ જગ્યાએ તમામ સુવિધાઓ મળશે. આ સાથે, તમે બેંકિંગ અને ફાઇનાન્સનો એકસાથે લાભ લઈ શકશો. ગ્રાહકોને HDFC બેંકની શાખામાં જ HDFC ઉત્પાદનો અને સેવાઓનો લાભ મળશે. આ મર્જરને કારણે કરોડો બેંક ખાતાધારકો HDFC પાસેથી લોન લેનારાઓને અસર થશે.

એક વર્ષ પહેલા કરવામાં આવી હતી મર્જરની જાહેરાત
HDFC બેંકના હાઉસિંગ ધિરાણકર્તા HDFC લિમિટેડ સાથે મર્જરની જાહેરાત લગભગ એક વર્ષ પહેલા એટલે કે એપ્રિલમાં કરવામાં આવી હતી. 40 બિલિયન ડોલરના આ મર્જરને ભારતીય કોર્પોરેટ જગતનો સૌથી મોટો સોદો કહેવામાં આવી રહ્યો છે. કંપનીએ જણાવ્યું છે કે HDFC બેન્ક HDFCના 25 શેર માટે 42 નવા શેરનું વિતરણ કરશે.