Income Tax Slab: એક બે કે ત્રણ નહી, મોદી સરકારે જાહેર કર્યા આટલા ટેક્સ સ્લેબ, ITR ભરતી વખતે રાખો ધ્યાન

Income Tax Return: જો લોકોની આવક ટેક્સેબલ હોય, તો તેમણે આવક પર ટેક્સ ચૂકવવો પડે છે. અલગ-અલગ આવક પ્રમાણે અલગ-અલગ ટેક્સ સ્લેબ હોય છે, જે મુજબ આવકવેરા રિટર્ન ફાઈલ કરવામાં આવે છે. તો બીજી તરફ સરકાર દ્વારા આવકવેરાના સ્લેબમાં કેટલાક ફેરફારો પણ કરવામાં આવ્યા છે, જેના વિશે જાણવું ખૂબ જ મહત્વપૂર્ણ છે. નાણામંત્રી નિર્મલા સીતારમણે બજેટ 2023માં આ ફેરફારોની જાહેરાત કરી હતી. આવો જાણીએ તેના વિશે...

આવકવેરા રિટર્ન
હાલમાં દેશમાં ઇન્કમ ટેક્સ રિટર્ન બે રીતે ફાઈલ કરવામાં આવે છે. ઇન્કમ ટેક્સ રિટર્ન એક જૂની ટેક્સ વ્યવસ્થા (Old Tax Regime) હેઠળ ફાઈલ કરવામાં આવે છે અને બીજી નવી ટેક્સ વ્યવસ્થા (New Tax Regime) હેઠળ રિટર્ન દાખલ કરવામાં આવે છે. બજેટ 2023 રજૂ કરતી વખતે, મોદી સરકારમાં નાણા પ્રધાન નિર્મલા સીતારમણ દ્વારા નવી ટેક્સ વ્યવસ્થામાં કેટલાક ફેરફારોની જાહેરાત કરવામાં આવી હતી. આ સાથે નવી ટેક્સ સિસ્ટમમાં આવકવેરા સ્લેબમાં ફેરફારની જાહેરાત કરવામાં આવી હતી.

ઇન્કમ ટેક્સ સ્લેબ
આ ફેરફારો હેઠળ, હવે જો કોઈ ટેક્સપેયર નવા ઇનકમ ટેક્સ સ્લેબ હેઠળ ITR ફાઇલ કરે છે, તો તેણે હવે ત્રણ લાખ રૂપિયાની વાર્ષિક આવક પર કોઈ ટેક્સ ચૂકવવો પડશે નહીં. અગાઉ આ મર્યાદા 2.5 લાખ રૂપિયા વાર્ષિક હતી. આ પછી જો 3-6 લાખ રૂપિયાની વાર્ષિક આવક હોય તો તેના પર 5% ટેક્સ ભરવો પડશે. તે જ સમયે, 6-9 લાખ રૂપિયાની વાર્ષિક આવક પર 10 ટકા ટેક્સ ભરવાનો રહેશે.

ટેક્સ સ્લેબ
બીજી તરફ જે લોકોની વાર્ષિક આવક 9-12 લાખ રૂપિયા છે, તેમણે 15 ટકા ટેક્સ ચૂકવવો પડશે. આ સિવાય જો કોઈની વાર્ષિક આવક 12-15 લાખ રૂપિયા છે તો તેણે 20 ટકા ટેક્સ ભરવો પડશે. તે જ સમયે, લોકોએ 15 લાખ રૂપિયાથી વધુની આવક પર 30 ટકા ટેક્સ ભરવો પડશે. આવી સ્થિતિમાં, નવી ટેક્સ વ્યવસ્થામાં સરકાર દ્વારા 6 ટેક્સ સ્લેબ નક્કી કરવામાં આવ્યા છે.