Railwayનું થશે ખાનગીકરણ, બંધ થશે યોત્રિઓને મળતી સુવિધાઓ? જાણો શું છે સત્ય

નવી દિલ્હી: સોશિયલ મીડિયા પર ઘણા દિવસોથી એક વીડિયો વાયરલ થઈ રહ્યો છે. જેમાં દાવો કરવામાં આવી રહ્યો છે કે હવે ભારતીય રેલવે (Indian Railways)ને સંપૂર્ણ રીતે ખાનગીકરણ કરવામાં આવશે. આ પોસ્ટથી લોકોની વચ્ચે હંગામો મચ્યો છે કે, ક્યાંક આવનારા સમયમાં ટ્રેનોનું ભાડું વધી ન જાય. આ મેસેજ ટ્વિટરથી લઇને વોટ્સએપ પર પણ ઘણો લોકો વચ્ચે શેર કરવામાં આવી રહ્યો છે. જો કે, હજી સુધી આ મામલે સરકાર તરફથી કોઈ પ્રતિક્રિયા આપવામાં આવી નથી અને ના રેલ મંત્રીએ રેલવેના ખાનગીકરણ થવાને લઇને કોઈ ટિપ્પણી કરી છે.

આ પણ વાંચો:- 390 રૂપિયાના EMI પર મળી રહી છે Maruti Suzukiની આ Best 7 seater Car

PIBએ કહ્યું દાવો ખોટો છે
વાયરલ પોસ્ટમાં દાવો કરવામાં આવ્યો છે કે, ભારતીય રેલવે (Indian Railways)નું સંપૂર્ણ રીતે ખાનગીકરણ કરવામાં આવશે અને સાથે જ માસિક પાસ અને વરિષ્ઠ નાગરિકોને મળતી છૂટ, જેવી સુવિધાઓ સમાપ્ત કરવામાં આવશે. પીઆઇબીની ફેક્ટ ચેક ટીમે તેને માત્ર એક અફવા ગણાવી છે અને કહ્યું છે કે, રેલવેનું કોઈ ખાનગીકરણ કરવામાં આવશે નહીં. PIB Fack Checkએ તેમના સત્તાવાર ટ્વિટર પર લખ્યું, #PIBFactCheck: આ દાવો ખોટો છે. કેન્દ્ર સરકાર દ્વારા એવો કોઈ નિર્ણય લેવામાં આવશે નહીં.

આ પણ વાંચો:- કોટક મહિન્દ્રા બેંક વર્કફ્રોમ હોમ કરતાં પોતાના કર્મચારીઓ માટે લાવી ખુશખબરી

सोशल मीडिया पर एक वीडियो में दावा किया जा रहा है कि भारतीय रेल का पूरी तरह से निजीकरण किया जायेगा और साथ ही मासिक पास तथा वरिष्ठ नागरिकों को मिलने वाली छूट, जैसी सुविधाएँ समाप्त कर दी जाएंगी।#PIBFactCheck: यह दावा फर्जी है। केंद्र सरकार द्वारा ऐसा कोई निर्णय नहीं लिया गया है। pic.twitter.com/rC79pwmSqN

— PIB Fact Check (@PIBFactCheck) December 11, 2020

પીયૂષ ગોયલે કહ્યું, રેલવે જનતાની છે અને હમેશા રહેશે
ઉલ્લેખનીય છે કે, આ પહેલા પણ કેન્દ્રીય રેલ મંત્રી પીયૂષ ગોયલે પણ નિવેદનમાં કહ્યું હતું કે, રેલવેનું ખાનગીકરણ થશે નહીં. ભારતીય રેલ જનતાની છે અને જનતાની રહેશે. તેમણે અલવર જિલ્લાના ડિગાવડામાં બાંદીકૂઈ સુધી 34 કિલોમીટરના રેલ ટ્રેકના વિદ્યુતીકરણનું ઉદ્ધાટન દરમિયાન આ વાત કરી હતી. તેમણે કહ્યું હતું કે, ભારતીય રેલનું ખાનગીકરણ નહીં કરવામાં આવે. આટલા વર્ષોથી જે રેલનો વિકાસ થવો જોઇએ તે હજી સુધી થયો નથી. તેથી ભારતીય રેલ પબ્લિક પ્રાઇવેટ પાર્નરશિપના અંતર્ગત ભાગીદારી કરવામાં આવી રહી છે.