બધી બેંકોના ક્રેડિટ કાર્ડ યૂઝર્સને ઝટકો, 1 ઓક્ટોબરથી બદલી જશે આ નિયમ

નવી દિલ્હી: જો તમે પણ મોટાભાગે પેટ્રોલ પંપ પર ક્રેડિટ કાર્ડ (Credit Card) વડે ચૂકવણી કરો છો અને કાર અથવા બાઇકની ટંકી ફૂલ કરાવીને ટેન્શન ફ્રી રહો છો તો આ સમાચાર તમારે વાંચવા જરૂરી છે. જી હાં હવે પેટ્રોલ પંપ પર પેટ્રોલ-ડીઝલ (Petrol-Diesel)ની ચૂકવણી ક્રેડિટ કાર્ડ (Credit Card Payment) વડે મળનાર છૂટ હવે નહી મળે. 1 ઓક્ટોબર 2019થી ઓઇલ કંપનીઓ દ્વારા ક્રેડિટ કાર્ડ વડે પેમેન્ટ કરતાં મળનાર છૂટ બંધ થઇ રહી છે. અઢી વર્ષ પહેલાં પેટ્રોલ પંપ પર ડિજીટલ મોડ વડે પેમેન્ટ કરતાં ગ્રાહકોને 0.75 ટકાનું કેશબેક આપવાની સુવિધા શરૂ કરવામાં આવી હતી.

એસબીઆઇએ ગ્રાહકોને મોકલ્યો મેસેજ
આ સુવિધાન ઓટબંધી બાદ ડિજિટલ ટ્રાંજેક્શનને પ્રોત્સાહન આપવા માટે સરકાર દ્વારા શરૂ કરવામાં આવી હતી. દેશની સૌથી મોટી બેંક એસબીઆઇ (SBI) દ્વારા ક્રેડિટ કાર્ડ યૂજર્સને મોકલવામાં આવેલા ટેક્સટ મેસેજમાં જણાવવામાં આવ્યું છે કે ક્રેડિટ કાર્ડ વડે ચૂકવણી કરતાં 0.75 ટકા કેશબેકની સુવિધા 1 ઓક્ટોબરથી બંધ થઇ જશે. મેસેજમાં એ પણ લખવામાં આવ્યું છે કે એવું પબ્લિક સેક્ટર ઓઇલ માર્કેટિંગ કંપનીઓની સલાહ પર કહેવામાં આવી રહ્યું છે. કહેવામાં આવી રહ્યું છે કે બધી બેંકો દ્વારા આ સુવિધા બંધ કરવામાં આવી છે, જોકે હજુ એસબીઆઇએ જ પોતાના ગ્રાહકોને આ મેસેજ મોકલ્યો છે.

ઇ-વોલેટથી ચૂકવણી પર મળતી રહેશે સુવિધા
નવેમ્બર 2016માં નોટબંધી બાદ ડિજિટલ ટ્રાંજેક્શનને પ્રોત્સાહન આપવા માટે સરકારે ઇન્ડીયન ઓઇલ, ભારત પેટ્રોલિયમ અને હિન્દુસ્તાન પેટ્રોલિયમ કોર્પોરેશન જેવી ઓઇલ કંપનીઓ પાસેથી 0.75 ટકા કેશબેક આપવા માટે કહ્યું હતું. આ ડિસ્કાઉન્ટ ક્રેડિટ/ડેબિટ કાર્ડ યૂજર્સ સાથે ઇ-વોલેટ વડે ચૂકવણી કરનાર ગ્રાહકોને પણ આપવામાં આવતું હતું. જોકે હવે ડેબિટ કાર્ડ અથવા ઇ-વોલેટ વડે ચૂકવણી પર આ સુવિધા મળતી રહેશે. 

સૂત્રના જણાવ્યા અનુસાર ઓઇલ કંપનીએ ક્રેડિટ કાર્ડ વડે ચૂકવણી કરતાં મળનાર ડિસ્કાઉન્ટને બંધ કરવાનો નિર્ણય લીધો છે. તમને જણાવી દઇએ કે ત્રણેય ઓઇલ કંપનીઓએ વર્ષ 2017-18માં ઓઇલ કંપનીઓએ ઇ-પેમેન્ટ ડિસ્કાઉન્ટ અને એમડીઆરના રૂપમાં કુલ 1431 કરોડ રૂપિયાની ચૂકવણી કરી છે. તો બીજી તરફ 2018-19માં ઓઇલ કંપનીઓએ 2000 કરોડ રૂપિયા ચૂકવણી કરી છે.