પૈસાની વ્યવસ્થા કરી લેજો, Bajaj હાઉસિંગ સહિત 5 કંપનીઓના IPO ને મળી મંજૂરી
સેબી અપડેટ પ્રમાણે માર્ચ અને જૂન વચ્ચે આઈપીઓ સંબંધિત દસ્તાવેજ દાખલ કરનાર પાંચ કંપનીઓને 30 જુલાઈથી પાંચ ઓગસ્ટ દરમિયાન નિયામકીય અવલોકન પત્ર મળ્યા છે. અવલોકન પત્ર મેળવવાનો અર્થ આઈપીઓ જાહેર કરવાની મંજૂરી સાથે છે.
Trending Photos
5- 6
- 6
- 12
)
નવી દિલ્હીઃ શેરબજારનું નિયમન કરતી સંસ્થા સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ બજાજ હાઉસિંગ ફાઈનાન્સ અને માનબા ફાઈનાન્સ સહિત 5 કંપનીઓને ઈનિશિયલ પબ્લિક ઓફરિંગ (આઈપીઓ) લોન્ચ કરવા માટે મંજૂરી આપી છે. સેબી તરફથી ઉપલબ્ધ કરાવવામાં આવેલી માહિતી પ્રમાણે આઈપીઓ લાવવાની મંજૂરી મેળવનાર કંપનીઓમાં બજાર સ્ટાઇલ રિટેલ, ડિફ્યુઝન એન્જિનિયર્સ લિમિટેડ અને દીપક બિલ્ડર્સ એન્ડ એન્જિનિયર્સ ઈન્ડિયા પણ સામેલ છે.
સેબીએ 31 જુલાઈએ સંથાન ટેક્સટાઇલ્સ લિમિટેડના આઈપીઓ સંબંધિત ટ્રાફ્ટ પરત કરી દીધો હતો. આ સાથે સેબીએ તેના ફાઈનાન્સની પ્રસ્તાવિત 2200 કરોડ રૂપિયાના આરંભિક શેર વેચાણ પર લાગેલો પ્રતિબંધ હટાવી દીધો છે.
4000 કરોડ રૂપિયાના નવા શેર
દસ્તાવેજો પ્રમાણે બજાજ હાઉસિંગ ફાઇનાન્સના 7000 કરોડ રૂપિયાના આઈપીઓમાં 4000 કરોડ રૂપિયા સુધીના નવા ઈક્વિટી શેર અને મૂળ કંપની બજાર ફાઈનાન્સ દ્વારા 3000 કરોડ રૂપિયાના ઈક્વિટી શેરની ઓફર ફોર સેલ આવશે. આ શેરનું વેચાણ ભારતીય રિઝર્વ બેંકના નિયમોનું પાલન કરવા માટે કરવામાં આવી રહ્યું છે, જે હેઠળ ઉપલા સ્તરની બિન-બેંકિંગ નાણાકીય કંપનીઓને સપ્ટેમ્બર 2025 સુધીમાં સ્ટોક એક્સચેન્જમાં સૂચિબદ્ધ કરવાની જરૂર છે.
1.26 કરોડ શેરનો નવો ઈશ્યૂ
મનબા ફાઈનાન્સ દ્વારા પ્રસ્તાવિત આઈપીઓ સંપૂર્ણ રીતે 1.26 કરોડ શેરનો એક નવો ઈશ્યૂ હશે જેમાં કોઈ ઓએફએસ હશે નહીં. હાલમાં મહારાષ્ટ્ર સ્થિત મનબા ફાઈનાન્સમાં પ્રમોટરોની 100 ટકા ભાગીદારી છે. બજાર સ્ટાઇલ રિટેલનો આઈપીઓ 148 કરોડ રૂપિયાના નવા શેર સિવાય વર્તમાન પ્રમોટર સમૂહ સંસ્થાઓ અને અન્ય શેરધારકો દ્વારા 1.68 શેરના ઓએફએસનું મિશ્રણ છે.
ડિફ્યુઝન એન્જિનિયર્સનો આઈપીઓ સંપૂર્ણ રીતે 98.5 લાખ ઈક્વિટી શેરનો નવો ઈશ્યૂ છે. દીપક બિલ્ડર્સ એન્ડ એન્જિનિયર્સના આઈપીઓમાં 1.2 કરોડ નવા શેર જારી કરવામાં આવશે અને વર્તમાન પ્રમોટરો દ્વારા 24 લાખ ઈક્વિટી શેરના વેચાણની રજૂઆત લાવવામાં આવશે. આ કંપનીઓના શેરને બીએસઈ અને એનએસઈમાં લિસ્ટેડ કરવાનો પ્રસ્તાવ છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
