Upcoming Major IPOs 2023: આ વર્ષે આ 11 IPO કરાવશે તગડી કમાણી! ચૂકશો તો ફરી નહીં મળે મોકો

Upcoming Major IPOs 2023: છેલ્લા કેટલાક મહિનાઓથી IPOમાં રોકાણ કરવું રોકાણકારો માટે ફાયદાકારક સોદો નથી રહ્યો. ઉદાહરણ તરીકે, LIC અને Paytmનો IPO ખરીદનારા રોકાણકારોને ઘણું નુકસાન સહન કરવું પડ્યું હતું. જો તમે આ વર્ષે પ્રારંભિક પબ્લિક ઑફર એટલે કે IPOમાં નાણાંનું રોકાણ કરવાની યોજના બનાવી રહ્યા છો, તો આ વર્ષ 2023 તમારા માટે ઘણું સારું સાબિત થઈ શકે છે. તમને IPO માર્કેટમાં પૈસા કમાવવાની મોટી તકો મળવાની છે. આ વર્ષે સ્થાનિક શેરબજારમાં 11 મોટી કંપનીઓના IPO આવવાની ધારણા છે. અને તેમના આગમનથી બજારમાં ધૂમ મચાવવાની ખાતરી છે. તેમાં Tata Technologies & Tata Play, Oyo Rooms, Ola, Swiggy, Byju's, Boat, Mobikwik, Mamaearth, Ixigo, Go first જેવી ફ્લિપકાર્ટ કંપનીઓનો સમાવેશ થાય છે.

તગડી કમાણીની તકઃ
જ્યારે શેરબજારમાં કોઈ કંપનીનો IPO આવે છે ત્યારે તે પોતાની સાથે પૈસા કમાવવાની તક પણ લઈને આવે છે. વર્ષ 2023 ની શરૂઆત સાથે, રોકાણકારોની નજર આ વર્ષે કમાણીની આગામી તકો પર રહેશે. સારા આઈપીઓ રોકાણકારો માટે એક મહાન સોદો સાબિત થાય છે. તમને જણાવી દઈએ કે છેલ્લા કેટલાક મહિનાઓથી IPOમાં રોકાણ કરવું રોકાણકારો માટે ફાયદાકારક સોદો નથી રહ્યો. ઉદાહરણ તરીકે, LIC અને Paytmનો IPO ખરીદનારા રોકાણકારોને ઘણું નુકસાન સહન કરવું પડ્યું હતું. કેટલીક કંપનીઓ એવી પણ હતી જેમના IPOથી તેમના રોકાણકારોના ખિસ્સા ભરાયા હતા. આવો જાણીએ તે 11 કંપનીઓના IPO વિશે જેની દરેક લોકો આતુરતાથી રાહ જોઈ રહ્યા છે.

ફ્લિપકાર્ટ -
સૌથી મોટા IPOમાંથી એક, ઈ-કોમર્સ જાયન્ટ ફ્લિપકાર્ટનું નામ સામે આવી રહ્યું છે. ભારતીય ઈ-કોમર્સ જાયન્ટ ફ્લિપકાર્ટે આંતરિક રીતે તેના એપ્રિલ 2022 IPO વેલ્યુએશનનું લક્ષ્ય $50 બિલિયન નક્કી કર્યું હતું. આ કંપની આ વર્ષે પોતાનો IPO લાવી શકે છે.

Swiggy -
ફૂડ ડિલિવરી એપ Swiggy પણ Zomatoની જેમ આ વર્ષે તેનો IPO લાવી શકે છે. કંપનીનો બિઝનેસ દેશના 500થી વધુ શહેરોમાં છે. સ્વિગી સાથે 1.50 લાખ રેસ્ટોરાં સંકળાયેલા છે. કંપની દેશમાં સારો બિઝનેસ કરી રહી છે.

Ola -
અન્ય IPO કે જે 2022 ના પ્રથમ છ મહિનામાં લોન્ચ થવાની ધારણા હતી પરંતુ થઈ શક્યું નથી તે છે રાઈડ-હેલિંગ એગ્રીગેટર Ola Cabs. ઓલાના સીઈઓ ભાવિશ અગ્રવાલે આ પહેલા પણ ઘણી વખત આઈપીઓ લાવવાની વાત કરી છે. ઓલાનો આઈપીઓ આ વર્ષે માર્કેટમાં આવી શકે છે.

Tata Play -
ટાટા ગ્રૂપની ટાટા ટેક્નોલોજીસની પેટાકંપની ટાટા પ્લે રૂ. 2500 કરોડનો IPO લાવવાની તૈયારી કરી રહી છે. પહેલા આ કંપનીનું નામ Tata Sky હતું. તે ડીટીએચ સેવા પ્રદાન કરે છે.

ગો ફર્સ્ટ -
આ વર્ષે દેશની ડોમેસ્ટિક એરલાઇન ગો ફર્સ્ટ તેનો IPO લઈને આવી રહી છે. એરલાઈન આ આઈપીઓથી રૂ. 3600 કરોડ એકત્ર કરવાની યોજના ધરાવે છે. GoFirst જૂની GoAir છે. એરલાઇનના કાફલામાં 57 એરક્રાફ્ટ છે. કંપનીની આવક વધી છે પરંતુ ઈંધણના ભાવ વધવાને કારણે ખોટ પણ વધી છે.

મામાઅર્થ -
હોસાના કન્ઝ્યુમરની પ્રોડક્ટ્સ માર્કેટમાં મામાઅર્થ બ્રાન્ડના નામથી વેચાઈ રહી છે. બ્યુટી અને કેર પ્રોડક્ટ્સ બનાવતી કંપનીનો આઈપીઓ પણ આ વર્ષે આવી શકે છે. છેલ્લા 3 વર્ષો દરમિયાન, કંપનીની આવક 105 ટકાના CAGR પર વધી છે. વર્ષ 2022માં કંપનીએ નફો કર્યો છે. મામાઅર્થનો વેપાર ભારત ઉપરાંત દક્ષિણ-પૂર્વ એશિયા અને ગલ્ફ દેશોમાં ફેલાયેલો છે.

Oyo Rooms -
Oyo Rooms, એક કંપની જે દેશમાં હોટલોમાં રૂમ બુકિંગની સુવિધા પૂરી પાડે છે, તે વર્ષના શરૂઆતના મહિનામાં જ તેનો IPO લાવશે. કંપની પાસે હાલમાં 157,000 હોટેલ્સ છે અને કંપની 35 દેશોમાં બિઝનેસ કરી રહી છે. કંપનીએ 2021માં જ IPO સંબંધિત દસ્તાવેજો એટલે કે DRHP સેબીને આપી દીધા છે. કંપનીએ વર્ષ 2022માં IPO લાવવાની યોજના બનાવી હતી પરંતુ બજારની સ્થિતિને ધ્યાનમાં રાખીને કંપનીએ તેમ કર્યું ન હતું.

ixigo -
ડિસેમ્બર 2021માં, ઓનલાઈન ટ્રાવેલ પોર્ટલ Ixigoની પેરેન્ટ Le Travenues Technology Ltdએ રૂ. 1600 કરોડના IPO માટે સેબીની મંજૂરી લીધી છે. તે સમયે પેઢી તેના IPOનું માર્કેટિંગ કરી શકી ન હતી. હવે Ixigo આ વર્ષે રોલ આઉટ થવાની ધારણા છે.

mobikwik -
ફિનટેક કંપની MobiKwik એ ગયા વર્ષે IPO થી રૂ. 1,500 કરોડ એકત્ર કરવાની યોજના વિશે વાત કરી હતી. જ્યારે IPO લોન્ચ કરવાની સમયરેખા વિશે પૂછવામાં આવ્યું ત્યારે કંપનીએ કહ્યું હતું કે બજારની સ્થિતિ સ્થિર થયા પછી તે લિસ્ટિંગ માટે જશે. આ ફિનટેક ફર્મ 2023માં IPO લોન્ચ કરી શકે છે.

બોટ (Boat) -
શાર્ક ટેન્ક ઈન્ડિયાના જજ અને ઓડિયો-ફોકસ્ડ ઈલેક્ટ્રોનિક્સ બ્રાન્ડ બોટના માલિક અમન ગુપ્તાએ ગયા વર્ષે રૂ. 2000 કરોડનો આઈપીઓ લાવવાની વાત કરી હતી. પરંતુ કંપનીએ ગયા વર્ષે ઓક્ટોબરમાં તેનો IPO પ્લાન મુલતવી રાખ્યો હતો. કંપની તેના બિઝનેસના વિસ્તરણને વેગ આપવા વોરબર્ગ પિંક્સ અને નવા રોકાણકાર મલબાર ઈન્વેસ્ટમેન્ટ્સ પાસેથી રૂ. 500 કરોડ એકત્ર કરવા જઈ રહી છે. આ કંપની આ વર્ષે IPO લાવી શકે છે.

byju -
શિક્ષણ ક્ષેત્રે કાર્યરત બાયજુ આ વર્ષે IPO લઈને આવી શકે છે. તેનો IPO ગયા વર્ષથી પાઇપલાઇનમાં ચાલી રહ્યો છે. મે 2022માં, બાયજુએ પ્રી-આઈપીઓ રાઉન્ડના ભાગ રૂપે $800 મિલિયનનું નવું ભંડોળ એકત્ર કર્યું. બાયજુ આગામી થોડા મહિનામાં IPO માટે પેપર ફાઇલ કરવા જઈ રહી છે. આ સાથે કંપની લગભગ $40 બિલિયન એકત્ર કરવાની યોજના બનાવી રહી છે.