PHOTO : સામે આવ્યો રણવીર સિંહની '83'નો ફર્સ્ટ લૂક, રિલીઝ ડેટ છે....

નવી દિલ્હી : રણવીર સિંહ 'ગલી બોય'માં રેપ સિંગર બનીને ધૂમ મચાવ્યા પછી હવે ક્રિકેટના મેદાનમાં પરસેવો વહાવી રહ્યો છે. રણવીરની આગામી ફિલ્મ '83'ની ટીમનો ફર્સ્ટ લુક સામે આવ્યો છે. આ સાથે જ ફિલ્મની રિલીઝ માટે 10 એપ્રિલની તારીખ ફાઇનલ કરી દેવામાં આવી છે.

હાલમાં ધર્મશાળામાં ફિલ્મ માટે જબરદસ્ત ટ્રેઇનિંગ ચાલી રહી છે. રણવીર સોશિયલ મીડિયામાં આ ફિલ્મ વિશે અપડેટ આપી રહ્યો છે. હાલમાં '83' ફિલ્મનું નવું પોસ્ટર પણ મેકર્સે રિલીઝ કર્યું છે. ટ્રેડ એનાલિસ્ટ તરણ આદર્શે પણ સોશિયલ મીડિયા એકાઉન્ટ મારફતે આ ફિલ્મનું પોસ્ટર શેયર કર્યું છે. 

Release date finalized: 10 April 2020... Ranveer Singh is #KapilDev in #83TheFilm... Directed by Kabir Khan... Presented by Reliance Entertainment... Produced by Madhu Mantena, Vishnu Induri, Kabir Khan. #Relive83 pic.twitter.com/GPePs8fLmK

— taran adarsh (@taran_adarsh) 10 April 2019

ફિલ્મના મેકર્સ દ્વારા આપવામાં આવેલી જાણકારી પ્રમાણ આ ફિલ્મનું શૂટિંગ 15 મેથી શરૂ થઈ જશે. ફિલ્મનું શૂટિંગ લંડન અને સ્કોટલેન્ડના લોકેશન પર શૂટ કરવામાં આવશે. આ ફિલ્મનું શૂટિંગ 100 દિવસ સુધી ચાલશે. આ ફિલ્મમાં રણવીર સિંહ પૂર્વ ભારતીય કેપ્ટન કપિલ દેવના રોલમાં જોવા મળશે. આ ફિલ્મમાં તેની સાથે પંકજ ત્રિપાઠી, સાકિબ સલીમ, ચિરાગ પાટીલ, તાહિર ભસિન, સાહિલ ખટ્ટર, આર બદ્રી, હાર્ડી સંધુ તેમજ એમી વિર્ક જેવા કલાકાર પણ જોવા મળશે.