Taarak Mehta Ka Ooltah Chashmah: મહેતા સાહેબની એન્ટ્રી બાદ પણ શોમાંથી ગાયબ જેઠાલાલ, આ કારણથી નહીં જોવા મળે દિલિપ જોશી

Taarak Mehta Ka Ooltah Chashmah: તારક મહેતા કા ઉલ્ટા ચશ્મામાં જોવા મળી રહ્યું છે કે, જેઠાલાલને બેસ્ટ ડિલર બન્યા બાદ અમેરિકા જવાની તક મળે છે અને આ કારણથી દિલિપ જોશી શોમાં જોવા મળી રહ્યા નથી. પરંતુ શું તમે જાણો છો ખરેખરમાં દિલિપ જોશી વિદેશમાં વેકેશન મનાવી રહ્યા છે. તે પણ જેવી તેવી જગ્યાએ નહીં પરંતુ યુએસએના કેલિફોર્નિયામાં છે. હાલમાં તેમણે કેટલીક તસવીરો શેર કરી છે જેમાં તેમના હોલીડેની એક ઝલક જોવા મળી રહી છે. જેના કારણે લોકોને તેમના શોમાં ન દેખાવવાનું ખરેખર કારણ ખબર પડ્યું છે.

ખરેખરમાં અમેરિકામાં છે જેઠાલાલ
શોમાં પણ તે જ બતાવવામાં આવ્યું હતું કે જેઠાલાલ અમેરિકા ગયા છે અને હવે દિલિપ જોશીએ લેટેસ્ટ તસવીરો ઇન્સ્ટાગ્રામ પર શેર કરી. જેમાં તેમણે જણાવ્યું છે કે, તેઓ આ સમયે સેક્વોઇઆ નેશનલ પાર્કમાં છે. કેપ્શનમાં દિલિપ જોશીએ લખ્યું- સેક્વોઇઆએ શીખવાડ્યું સૌથી શ્રેષ્ઠ રીતે પોતાના મૂળનું સન્માન કરવું.

તસવીરમાં દિલિપ જોશીએ શર્ટ-પેન્ટ અને માથે ટોપી પહેરેલી જોવા મળે છે. આ તસવીરોને ફેન્સ ઘણી પંસદ કરી રહ્યા છે અને ટૂંક સમયમાં જોશીને શોમાં પાછા આવવાની રિક્વેસ્ટ પણ કરી રહ્યા છે.

View this post on Instagram

A post shared by Dilip Joshi (@maakasamdilipjoshi)

જેઠાલાલે શો છોડ્યાની ઉડી અફવા
જોકે છેલ્લા કેટલાક સમયથી દિલિપ જોશી શોમાં જોવા મળી રહ્યા નથી. જેના કારણે દર્શકોને લાગવા લાગ્યું હતું કે કદાચ હવે દિલિપ જોશી પણ શો છોડી રહ્યા છે. નવા તારક મહેતાની એન્ટ્રી બાદ પણ શોમાં જેઠાલાલનું પાત્ર જોવા ન મળતા અટકળો લગાવવામાં આવી રહી હતી કે દિલિપ જોશી પણ આ શો છોડી રહ્યા છે. એટલું જ નહીં દર્શકોએ મેકર્સને ચેતવણી પણ આપી હતી ભલે કંઈપણ થઈ જાય જેઠાલાલ શોમાંથી જવા ન જોઇએ. પરંતુ દિલિપ જોશીની તસવીર શેર કરતા જ સ્પષ્ટ થઈ ગયું કે તેઓ શોથી કેમ દૂર છે. હાલ તેઓ વેકેશન એન્જોય કરી રહ્યા છે.