ભાગ્યે જ જાહેરમાં બોલતા મનોજકુમારે કહી મોટી વાત, કંગના થઈ જશે ફુલીને ફાળકો

મુંબઈ : કંગના રનૌતને મુખ્ય રોલમાં ચમકાવતી ઝાંસીની રાણી લક્ષ્મીબાઈના જીવન પર આધારિત 'મણિકર્ણિકા' શુક્રવારે રિલીઝ થવાની છે. હાલમાં આ ફિલ્મનું મુંબઈમાં સ્ક્રિનિંગ રાખવામાં આવ્યું હતું. આ ફિલ્મના સ્ક્રિનિંગમાં ભારત કુમાર તરીકે ઓળખાતા મનોજ કુમાર પણ પહોંચ્યા હતા. તેમણે આ ફિલ્મ જોઈને ઝી ન્યૂઝ પાસે પોતાનું મંતવ્ય વ્યક્ત કર્યું છે. 

મનોજ કુમારે કહ્યું છે કે મણિકર્ણિકા ફિલ્મ બહુ સારી બની છે. આ ફિલ્મ સાથે ઇતિહાસના પાનામાં સંતાયેલું રાની લક્ષ્મીબાઈનું પાત્ર ફરી લોકો સામે આવી જશે. હર હર મહાદેવના જયઘોષ સાથે કંગના અહેસાસ કરાવે છે કે તે રાણી લક્ષ્મીબાઈનો રોલ કરવા માટે જ બની છે. મનોજ કુમારે કંગનાના વખાણ કરતા કહ્યું છે કે કંગના દિલથી આ પાત્ર જીવી છે અને તેણે આ પાત્રને બહુ સારી રીતે ન્યાય આપ્યો છે. 

કંગના રનૌતની ફિલ્મ ઝાંસીની રાણી લક્ષ્મીબાઈના જીવન પર આધારિત છે. તેણે આ ફિલ્મમાં માત્ર એક્ટિંગ નથી કરી પણ એનું ડિરેક્શન પણ કર્યું છે. આ ફિલ્મ હિન્દી અને અને તેલુગુ ભાષામાં 25 જાન્યુઆરીએ રિલીઝ કરવામાં આવશે. ફિલ્મમાં કંગના સિવાય અતુલ કુલકર્ણી, જિશુ સેનગુપ્તા, સુરેશ ઓબેરોય, ડેની અને અંકિતા લોખંડે ખાસ રોલમાં છે.