Taarak Mehta શોમાં આ કલાકારો વચ્ચે રીયલ લાઈફમાં શું છે સંબંધ, કોઈ ભાઈ-બહેન તો કોઈએ કરી લીધા લગ્ન

Taarak Mehta Ka Ooltah Chashmah: તારક મહેતા કા ઉલ્ટા ચશ્મા શો છેલ્લા 14 વર્ષથી દર્શકોની ફેવરિટ લિસ્ટમાં સામેલ છે અને સમયની સાથે આ શોની લોકપ્રિયતા વધી રહી છે. આ શોનો કોન્સેપ્ટ જેટલો અનોખો છે એટલા જ એલગ છે આ શોના પાત્રો પણ. આ જ કારણ છે કે આ શોના પાત્રો લોકોના દિલમાં વસી ગયા છે અને આ પાત્રો ભજવનારા કલાકારો પણ.

શો અને શો સાથે જોડાયેલી વાતો તારક મહેતા કા ઉલ્ટા ચશ્માના ફેન્સ સતત સાંભળતા રહેતા હોય છે. આ શોમાં કોઈ ભાઈ બહેનનો રોલ કરી રહ્યા છે તો કોઈ પતિ-પત્નીનો. ત્યારે ટપ્પુ સેના એકબીજાના બેસ્ટ ફ્રેન્ડ છે. પરંતુ આ શોના કેટલાક કલાકારો રીયલ લાઈફમાં સંબંધી છે. આજે એવા જ કેટલાક ખાસ સંબંધો વિશે અમે વાત કરવાના છીએ.

દિશા વાકાણી - મયુર વાકાણી
આ શોમાં દિશા વાકાણી દયાબેનનો રોલ કરી રહી છે, જ્યારે મયુર વાકાણી સુંદરલાલના રોલમાં જોવા મળી રહ્યો છે. રીલ લાઈફમાં તેઓ ભાઈ-બહેન છે પરંતુ શું તમે જાણો છો કે દિશા અને મયુર રીયલ લાઈફમાં પણ ભાઈ બહેન જ છે. જી હાં... બંને ઘણા સમયથી એક્ટિંગ કરી રહ્યા છે. ગુજરાતી સિનેમામાં તેમનું સારું નામ છે.

પ્રિયા આહુજા - માલવ રાજદા
તારક મહેતા કા ઉલ્ટા ચશ્મામાં પ્રિયા આહુજા રીટા રિપોર્ટરનો રોલ કરી રહી છે અને તેને આ રોલમાં ખૂબ પસંદ પણ કરવામાં આવી હતી. પરંતુ રીટા રિપોર્ટર એટલે કે પ્રિયા આહુજાનો શો સાથેનો સંબંધ ત્યારે વધુ ગાઢ બન્યો જ્યારે તેણે શોના નિર્દેશક માલવ રાજદા સાથે લગ્ન કર્યા. બંને રીયલ લાઈફમાં પતિ-પત્ની છે.

ભવ્ય ગાંધી - સમય શાહ
ભવ્ય ગાંધી હાલમાં આ શોનો ભાગ નથી, તે અગાઉ ટપ્પુનું આઇકોનિક પાત્ર ભજવી ચૂક્યા છે. પરંતુ શોમાં ગોગીની ભૂમિકા ભજવનાર સમય શાહ સાથે તેનો ખાસ સંબંધ છે. વાસ્તવમાં બંને સંબંધમાં પિતરાઈ ભાઈઓ છે.