સોનમ કપૂરના ભાવિ પતિ વિશે ખાસ જાણો, બંગલાની કિંમત જાણી ચોંકી જશો

નવી દિલ્હી: અનિલ કપૂરની લાડકી પુત્રી સોનમ કપૂરના તેના લોંગ ટાઈમ બોયફ્રેન્ડ આનંદ આહુજા સાથે 8મી મેના રોજ લગ્ન થવાના છે. પુત્રીના લગ્ન માટે અનિલ કપૂરનો બંગલો શાનદાર રીતે સજાવવામાં આવ્યો છે. સોનમ કપૂરનો બોયફ્રેન્ડ આનંદ આહુજા છેલ્લા કેટલાય સમયથી સોનમ સાથે અનેક જગ્યાએ જોવા મળતો રહ્યો છે. આનંદ આહુજા એક બિઝનેસમેન છે, એ તો આપણે બધા જાણીએ છીએ પરંતુ સોનમના આ થનારા પતિ વિશે ખુબ ઓછી જાણકારી બહાર આવી છે.

173 કરોડના બંગલામાં રહે છે આનંદ આહુજા
આનંદ આહુજા વ્યાપારી હરીશ આહુજાના પૌત્ર છે. હરીશ આહુજા શશી એક્સપોર્ટના માલિક છે. જે ભારતની સૌથી મોટી કપડાં એક્સપોર્ટ કંપની છે.  આનંદ પોતે પણ ભારતની પહેલી મલ્ટી બ્રાન્ડ સ્નીકર (જૂતા) બુટીક ખોલનારા વ્યાપારી છે. આનંદને જૂતા ખુબ પસંદ છે અને આ વાત તેમના ઈન્સ્ટાગ્રામ એકાઉન્ટ પર સ્પષ્ટપણે જોઈ શકાય છે. દિલ્હીના રહીશ આનંદનો અહીં 173 કરોડનો શાનદાર બંગલો છે. આનંદનો આ બંગલો 3170 સ્ક્વેર યાર્ડના પ્લોટ પર સેન્ટ્રલ દિલ્હીમાં બન્યો છે. 900 સ્ક્વેર ફીટના બિલ્ડપ એરિયામાં બનેલા આ બંગાલને 'શેરમુખી' કહેવામાં આવે છે.

આનંદ આહુજાનો આ બંગલો દિલ્હીના લુટિયન બંગલા ઝોન (એલબીજેડ)માં બનેલો છે. જ્યાં દેશના ટોચના બિઝનેસમેન જેમ કે એલએન મિત્તલ, નવીન જિંદાલ, એરટેલના માલિક સુનિલ મિત્તલ જેવા વ્યાપારીઓના બંગલા છે. અત્રે જણાવવાનું કે સોનમ કપૂરના બિઝનેસમેન બોયફ્રેન્ડ આનંદે અમેરિકાની બિઝનેસ સ્કૂલમાંથી અભ્યાસ કર્યો છે અને ભારત પાછા ફરીને તેણે પોતાના પરિવારનો બિઝનેસ સંભાળ્યો છે.