અમદાવાદ : સિવિલ હોસ્પિટલમાં હવે સાંજની ઓપીડી પણ શરૂ, દર્દીઓ માટે રાહતના સમાચાર
Trending Photos
- 5
- 6
- 8
- 7
)
- કોરોનાની પરિસ્થિતિ કાબુમાં આવતા અમદાવાદ સિવિલ હોસ્પિટલમાં સોમવારથી સાંજની ઓ.પી.ડી ફરી કાર્યરત થશે
- દર વર્ષે 10 લાખથી વધુ દર્દીઓ ઓ.પી.ડી. અમદાવાદ સિવિલ હોસ્પિટલની OPDનો લાભ લે છે
- સવારે 9 થી 1 વાગ્યાની ઓપીડી કાર્યરત હતી. જે હવેથી બપોરે 2 થી 4 દરમિયાન પણ ચાલુ રખાશે
ઝી મીડિયા/બ્યૂરો :અમદાવાદ (Ahmedabad) સિવિલ હોસ્પિટલની ઓ.પી.ડી. એકવાર ફરી સાંજે શરૂ કરવાનો નિર્ણય લેવાયો છે. કોરોનાના કેસો કાબુમાં આવતા વધુમાં વધુ દર્દીઓને ઝડપથી સારવાર મળી રહે એ ઉદ્દેશથી સિવિલ (civil hospital)માં સોમવારથી સવાર બાદ બપોરે પણ ઓ.પી.ડી શરૂ કરાશે.
હવે સાંજે પણ ઓપીડી ચાલુ રખાશે
બપોરની ઓ.પી.ડી. ફરી એકવાર શરૂ કરવા અંગે અમદાવાદ સિવિલ હોસ્પિટલના સુપ્રિટેન્ડેન્ટ ડૉ. રાકેશ જોષીએ જણાવ્યું કે, અમારી સિવિલ હોસ્પિટલમાં રાજ્ય અને દેશભરમાંથી દર્દીઓ સારવાર અર્થે ઓ.પી.ડી.ની મુલાકાત લેતા હોય છે. અમારા ત્યાં દર મહિને અંદાજે 90 હજારથી વધુ o.p.d.ની સંખ્યા રહેતી હોય છે. સામાન્ય રીતે સવારે 9 થી 1 અને બપોરે 2 થી 4ના સમયગાળામાં દર્દીની સારવાર અને તપાસ માટે ઓપીડી કાર્યરત હોય છે. કોરોનાની બીજી લહેરમાં કોરોનાગ્રસ્ત દર્દીઓની સંખ્યામાં ઘસારો જોવા મળતા સાંજની ઓ.પી.ડી બંધ રાખવાનો નિર્ણય કરવામાં આવ્યો હતો. હવે સોમવારથી સવારની સાથોસાથ જ સાંજની ઓપીડી પણ દર્દીઓ માટે કાર્યરત રહેશે. જે રાજ્ય અને રાજ્ય બહારથી આવતા દર્દીઓની દર્દીઓની સ્વાસ્થ્ય સુવિધાઓમાં વધારો કરશે તેવું તેમણે ઉમેર્યું હતુ.
રાજ્ય બહારના દર્દીઓ આવી શકશે
ઉલ્લેખનીય છે કે અમદાવાદ સિવિલ હોસ્પિટલમાં સમગ્ર દેશભરમાંથી મોટા પ્રમાણમાં દર્દીઓ સારવાર અર્થે આવતા હોય છે. દેશ પર એકાએક આવી પડેલી મહામારીને ધ્યાને લઇને સિવિલ હોસ્પિટલમાં કોરોના કાળમાં સાંજની ઓપીડી બંધ રાખવા નિર્ણય કરવામાં આવ્યો હતો. મેડિકલ, પેરામેડિકલના મોટાભાગના કર્મીઓ કોરોનાગ્રસ્ત દર્દીઓની સેવા સુશ્રુષામાં હોઈ અને કોરોના સંક્રમણને ધ્યાનમાં લઈને અમદાવાદ સિવિલ હોસ્પિટલ દ્વારા આ નિર્ણય હાથ ધરવામાં આવ્યો હતો. જો હવે સ્થિતિ કાબુમાં આવતા સોમવારથી અસારવા ખાતે આવેલી સિવિલ હોસ્પિટલમાં સંધ્યા ઓ.પી.ડી. ફરી વખત શરૂ કરવામાં આવી રહી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
