અમિતાભ બચ્ચન પહેલીવાર ગુજરાતી ફિલ્મમાં જોવા મળશે, જાણો શું છે ફિલ્મનું નામ અને ક્યારે થશે રિલીઝ?

નવી દિલ્હી: ગુજરાતી સિનેમા પ્રેમીઓ આશ્ચર્યચકિત છે કારણ કે તેઓ ટૂંક સમયમાં જ મેગાસ્ટાર અમિતાભ બચ્ચનને આગામી ગુજરાતી કોમેડી ફિલ્મ 'ફક્ત મહિલા માટે' (Fakt Mahilao Mate) માં ગુજરાતી ભૂમિકામાં જોવા મળવાના છે. બિગ બી ઉપરાંત આ ફિલ્મમાં ગુજરાતી સુપરસ્ટાર યશ સોની અને દીક્ષા જોશી પણ જોવા મળશે. આ ફિલ્મનું નિર્દેશન જય બોદાસ દ્વારા કરવામાં આવ્યું છે અને તેનું મુખ્ય આકર્ષણ બીજું કોઈ નહીં પણ સુપરસ્ટાર અમિતાભ બચ્ચનનો કેમિયો હશે. આ ફિલ્મમાં દિક્ષા જોષી, યશ સોની, ભાવીની જાની અને પ્રશાંત બારોટ જેવાં કલાકારો છે. ફિલ્મનાં કલાકારો દ્વારા અમિતાભ બચ્ચન સાથે તસવીર તેમનાં ઇન્સ્ટાગ્રામ પેજ પર શેર કરવામાં આવી છે.

બોલીવુડના મેગાસ્ટાર અમિતાભ બચ્ચન લગભગ 175 હિન્દી ફિલ્મોમાં અભિનય કર્યા બાદ ગુજરાતી સિનેમામાં પદાર્પણ કરવા માટે તૈયાર છે. ANIના અહેવાલ મુજબ, તે 'ફક્ત મહિલા માટે' ફિલ્મમાં એક ગુજરાતી વ્યક્તિની ભૂમિકા ભજવતા જોવા મળશે. તેમની તાજેતરની વાતચીત દરમિયાન આનંદ પંડિતે તે સમયને યાદ કર્યો, જ્યારે તેમણે તેમની સ્ક્રિપ્ટ સાથે સુપરસ્ટારનો સંપર્ક કર્યો હતો, જેના પર બિગ બીએ 'તત્કાલ' હા પાડી.

Amitabh Bachchan to be seen in a cameo in good friend Anand Pandit's Gujarati film, 'Fakt Mahilao Mate’ @anandpandit63 @SrBachchan #FaktMahilaoMate pic.twitter.com/76dKyhxrv5

— Ramesh Bala (@rameshlaus) May 19, 2022

આનંદ પંડિતે કર્યો ખુલાસો
આનંદ પંડિતના જણાવ્યા અનુસાર, અમિતાભ બચ્ચન તેમના પ્રિય મિત્ર છે અને જ્યારે તેમણે સુપરસ્ટારને પૂછ્યું કે શું તેઓ તેમની મહિલા-કેન્દ્રિત ફિલ્મમાં ભૂમિકા ભજવશે, તો બિગ બીએ તરત જ તેમને હા પાડી. ANI દ્વારા અહેવાલ મુજબ, આનંદ પંડિતે જણાવ્યું, "મારા માટે વર્ષોથી મારા મિત્ર અને માર્ગદર્શક એવા અમિત જી વિના કોઈપણ પ્રોજેક્ટની કલ્પના કરવી મારા માટે મુશ્કેલ છે. તે જ ક્ષણે મેં તેમણે પુછ્યું કે શું તે 'ફકટ'માં એક ભૂમિકા ભજવશે. તેમણે સ્ક્રિપ્ટ સાંભળવા કે એવું પણ જાણવા માટે કહ્યું નથી કે નિર્દેશક કોણ છે અને સેટ પર કોણ આવશે. આ પહેલીવાર છે જ્યારે અમિત જી કોઈ ગુજરાતી ફિલ્મમાં ગુજરાતીની ભૂમિકા ભજવી રહ્યા છે.

View this post on Instagram

A post shared by Yash Soni (@actoryash)

ભાષામાં કોઈ મુશ્કેલી નથી
તે જ વાતચીત દરમિયાન આનંદ પંડિતે પીઢ કલાકારની પ્રશંસા કરી અને દાવો કર્યો કે તે હંમેશા સમયસર સેટ પર આવે છે. નિર્માતાએ જણાવ્યું હતું કે ભાષા પરિવર્તનથી કોઈ અવરોધ ઊભો થયો નથી કારણ કે અભિનય તેની પાસે કુદરતી રીતે આવે છે. અમિતાભ બચ્ચને પણ તેમનો કેમિયો ફિલ્માવતી વખતે ફિલ્મની સ્ક્રિપ્ટ સાંભળી હતી અને તેનો ફની ટ્વિસ્ટ ગમ્યા હતા.

મેં તેમણે 'લાવારિસ'માં જોયા હતા
આનંદ પંડિતે કહ્યું, ગુજરાતીમાં તેમની સરળતા જોઈને દરેકને આશ્ચર્ય થયું હતું પરંતુ બહુ ઓછા લોકો જાણે છે કે તેઓ ભાષાશાસ્ત્રી છે અને વિવિધ ભાષાઓની અંદર સરળતાથી સમજે છે. મને યાદ છે કે મેં તેમને 'લાવારિસ'માં જોયા હતા જ્યાં તેમણે એક કોમેડી સીનમાં ઘણી ભાષાઓ બોલી હતી અને મને ઓછી ખબર પડતી હતી કે એક દિવસ તે કેમેરાનો સામનો કરશે. મારી પોતાની ગુજરાતી ફિલ્મ! હંમેશની જેમ, તેમણે તેની વ્યાવસાયિકતા અને કરિશ્માથી બધાને દંગ કરી દીધા."

ઉલ્લેખનીય છે કે, અમિતાભ બચ્ચને સેટ પર પહોંચીને સ્ક્રિપ્ટ સાંભળી હતી અને તેઓ ખૂબ હસ્યા હતા. નિયત સમયે આવીને તેમણે સીન્સ પૂરા કર્યા હતા. તેમને ખૂબ સહજતાથી ગુજરાતી ડાયલોગ્સ બોલતા જોઈને ઘણાંને નવાઈ લાગી હતી.

View this post on Instagram

A post shared by Deeksha Joshi (@deekshajoshiofficial)

આ ફિલ્મ 19 ઓગસ્ટ, 2022ના રોજ રિલિઝ થવાની છે. ઉલ્લેખનીય છે કે, અગાઉ અમિતાભ બચ્ચને ગીર અને કચ્છ સહિતના સ્થળે ટુરિઝમને પ્રોત્સાહન આપવા માટે એડવર્ટાઈઝમેન્ટ કરી હતી અને તેમની અપીલના પગલે ટુરિઝમને વેગ મળ્યો હતો.