સુરક્ષિત ગુજરાતમાં બની અપહરણની ઘટના: લાખોની ખંડણી, વેપારીને માર્યો ઢોર માર

વડોદરા : બોડેલીમાં લક્ષ્મીમાર્બલના વેપારીના અપહરણનો મામલો સામે આવ્યો છે. જો કે આ કિસ્સામાં મિત્રએ જ પોતાનાં મિત્રનું અપહરણ કરાવ્યું હોવાની વાત સામે આવી છે. આ ઘટના અંગે વિગતે મળતી માહિતી અનુસાર વેપારીનાં મિત્ર રવિ આહીર નામના શખ્સે જ અપહરણ કરીને 1 કરોડ રૂપિયાની ખંડણી માંગી હોવાનું ખુલ્યું હતું. રવિ આહિરે પોતાનાં સાગરિતો સાથે મળીને અપહરણ કર્યા બાદ નાણા માંગતા. અપહ્યત યુવકના પિતા ઘરમાં રહેતા તમામ પૈસા ગણ્યા વગર જ ઇનોવા કારમાં લઇને ચુકવવા માટે ગયા હતા. 

Video : ભાજપા નેતા સ્મૃતિ ઈરાનીએ બંને હાથમાં ખુલ્લી તલવાર સાથે કર્યા કરતબ
જો કે અપહરણકર્તાઓએ ઇનોવાની ચાવી પણ લઇ લીધી હતી અને તેના પિતાને કાઢી મુક્યા હતા. પૈસા આપવા છતા પુત્ર નહી મળતા તેના પિતાએ પોલીસમાં ફરિયાદ દાખલ કરી હતી. ઇનોવા કાર બહાદુરપુર પાસેથી મળી આવી હતી. જો કે પિતાએ પોલીસને જાણ કરતા ખીજાયેલા અપહરણ કારો વેપારીને ઢોર માર મારીને નાસી છુટ્યા હતા. હાલ અપહરણ કરનાર રવિ આહીર અને અન્ય બે અજાણ્યા શખ્સો વિરુદ્ધ બોડેલી પોલીસ સ્ટેશનમાં ફરિયાદ દાખલ કરવામાં આવી છે. પોલીસે રવિની સાગરીતો સહિત ધરપકડ કરવા માટેના ચક્રો ગતિમાન કર્યા છે.