GUJARAT CORONA UPDATE: રાજ્યમાં એક્ટિવ કેસની સંખ્યા 200 ને પાર, કોરોના કેસમાં રહાત

ઝી બ્યુરો, ગાંધીનગર: કોરોનાની ત્રીજી લહેર બાદ રાજ્યમાં કોરોના કેસમાં સતત ઘટાડો નોંધાયો હતો. જો કે, રાજ્યમાં હાલ કોરોના કેસમાં ઉતાર ચઢાવ જોવા મળી રહી છે. દરરોજ કોરોન કેસમાં વધધટ થઈ રહી છે. ત્યારે રાજ્યમાં છેલ્લા 24 કલાકમાં કોરોનાના નવા 40 કેસ નોંધાયા છે. જ્યારે કોરોના સંક્રમણથી 36 દર્દીઓ સાજા થયા છે. તો હાલ રાહતના સમાચાર કહી શકાય કે રાજ્યમાં કોરોનાને કારણે એકપણ દર્દીનું મોત થયું નથી. કોરોનાનો રિકવરી રેટ પણ સુધરીને 99.09 ટકા થઈ ગયો છે.

રાજ્યમાં હાલ કુલ દર્દીઓની વિગતો જોઈએ તો રાજ્યમાં હાલ 229 એક્ટિવ કેસ છે. જેમાંથી એકપણ દર્દી વેન્ટિલેટર પર નથી. તમામે તમામ 229 દર્દીઓ સ્ટેબલ છે. રાજ્યમાં કોરોનાને અત્યાર સુધીમાં કુલ 12,14,069 દર્દીઓ મ્હાત આપી ચુક્યાં છે. જ્યારે રાજ્યમાં કોરોના વાયરસને કારણે કુલ 10,944 લોકોએ પોતાનો જીવ ગુમાવ્યો છે.

ગુજરાતમાં કોરોનાના નવા 40 કેસ નોંધાયા#Gujarat #CoronaVirus #ZEE24Kalak pic.twitter.com/WskNVzsQGT

— Zee 24 Kalak (@Zee24Kalak) June 1, 2022

જો કે, જિલ્લા અને કોર્પોરેશન મુજબ કોરોના કેસ અને ડિસ્ચાર્જ દર્દીની વાત કરવામાં આવે તો અમદાવાદ કોર્પોરેશનમાં સૌથી વધુ 21 કેસ નોંધાયા છે. વડોદરા કોર્પોરેશનમાં 7 અને વડોદરામાં 6 કેસ નોંધાયા છે. જ્યારે ભરૂચ, ગાંધીનગર કોર્પોરેશન, મહેસાણા, પાટણ, સુરત અને સુરત કોર્પોરેશનમાં 1-1 કેસ નોંધાયા છે. જો હવે ડિસ્ચાર્જ દર્દીઓની વાત કરવામાં આવે તો અમદાવાદ કોર્પોરેશનમાં 28, વડોદરા કોર્પોરેશનમાં 1, વડોદરામાં 1, ગાંધીનગર કોર્પોરેશનમાં 3 અને મહેસાણામાંથી 3 વ્યક્તિ ડિસ્ચાર્જ થયો છે.

CORONA UPDATE: છેલ્લા 24 કલાકમાં ગુજરાતમાં કોરોનાના વધુ 40 કેસ પોઝિટિવ, કુલ આંકડો 12,25,242 ને પાર.. જાણો સરકારના આંકડા પ્રમાણે આજે રાજ્યમાં જિલ્લાવાર સ્થિતિ...#Corona #Coronavirus #CoronaCaseUpdates #ZEE24Kalak pic.twitter.com/NAZaTzTdqP

— Zee 24 Kalak (@Zee24Kalak) June 1, 2022

જો રસીકરણની વાત કરવામાં આવે તો રાજ્યમાં આજે સાંજે 5 વાગ્યા સુધીમાં કુલ 28,992 લોકોને રસીના ડોઝ આપવામાં આવ્યા છે. રસીકરણના મોરચે પણ સરકાર મજબુતીથી લડી રહી છે. રાજ્યમાં 18 વર્ષથી વધારેની ઉંમરના 664 ને રસીનો પ્રથમ અને 10,375 લોકોને રસીનો બીજો ડોઝ આપવામાં આવ્યો છે. 15-17 વર્ષના લોકો પૈકી 82 ને રસીનો પ્રથમ અને 1,063 ને રસીનો બીજો ડોઝ આપવામાં આવ્યો છે. જ્યારે 12,435 લોકોને પ્રીકોર્શન ડોઝ આપવામાં આવ્યો છે. 12-14 વર્ષના લોકો પૈકી 784 ને રસીનો પ્રથમ અને 3,589 ને રસીનો બીજો ડોઝ અપાયો હતો. અત્યાર સુધીમાં કુલ 10,99,95,552 રસીના ડોઝ આપવામાં આવ્યો છે.