ઝીરોથી હીરો! ધોરણ 10-12 પાસ કરવામાં વળી ગયો હતો પરસેવો, સંઘર્ષ કરીને બન્યા IAS-IPS

ઝી બ્યૂરો, અમદાવાદઃ નંબર અને ટકાવારીને પ્રતિભા સાથે ક્યારેય સરખાવી શકાય નહીં. જ્યારે વ્યક્તિ અભ્યાસ માટે સમર્પિત બને છે ત્યારે બધું તેના પર નિર્ભર કરે છે. ઘણા એવા સફળ લોકો છે જે શરૂઆતમાં અભ્યાસમાં ખૂબ નબળા હતા. તેમણે 10મું અને 12મું પાસ કરવા માટે પણ સંઘર્ષ કર્યો. પરંતુ, પાછળથી તેમણે એવી ગતિ પકડી કે પાછળ વળીને જોયું જ નહોતું. અહીં અમે તમને આવી જ 5 હસ્તીઓનો પરિચય કરાવવા જઈ રહ્યા છીએ. આમાંથી એક પર ફિલ્મ પણ બની છે. આ બધા એ લાખો લોકો માટે પ્રેરણા છે જેઓ કોઈને કોઈ કારણસર પ્રતિભા હોવા છતાં માર્કસ મેળવવાની રેસમાં નિષ્ફળ ગયા.

હાઈસ્કૂલમાં થર્ડ ડિવિઝનમાં પાસ-
અવનીશ શરણ બિહારના સમસ્તીપુરનો છે. તેમનો જન્મ 20 જાન્યુઆરી 1981 ના રોજ કેવટા ગામમાં થયો હતો. તેઓ છત્તીસગઢના જાણીતા આઈએએસ અધિકારી છે. અવનીશ 2017માં લાઇમલાઇટમાં આવ્યા હતા. ત્યારબાદ તેમણે તેમની પત્નીની સરકારી હોસ્પિટલમાં પ્રસૂતિ કરાવી હતી. આ પછી તેમણે પોતાની દીકરીને સરકારી શાળામાં એડમિશન અપાવ્યું. અવનીશ હાઈસ્કૂલમાં થર્ડ ડિવિઝનમાં પાસ થયા હતા. તેમણે પોતે પોતાની માર્કશીટ સોશિયલ મીડિયા પર શેર કરી છે. તેમને 12માં 65 ટકા અને ગ્રેજ્યુએશનમાં 60 ટકા માર્ક્સ હતા. જોકે, તેણે હિંમત હારી નહીં અને બાદમાં UPSCની પરીક્ષા પાસ કરી અને IAS બની ગયા.

મનોજ કુમાર શર્મા 12માં નાપાસ થયા-
મનોજ કુમાર શર્મા મહારાષ્ટ્ર કેડરના 2005 બેચના IPS અધિકારી છે. હાલમાં તેઓ CISFમાં DIG છે. મનોજ મૂળ મધ્યપ્રદેશના મુરેના જિલ્લાના છે. તે 9મા, 10મા અને 11મા થર્ડ ડિવિઝનમાં પાસ થયા હતા. ઘોરણ 11માં તો તે નકલ કરીને પાસ થઈ ગયા પણ ધોરણ 12માં નાપાસ થયા  કારણ કે નકલ નહોતા કરી શક્યા. તેમણે ટેમ્પો ચલાવવાથી લઈને કૂતરાને ચલાવવા સુધી બધું જ કર્યું. સમય વીતતો ગયો તેમ તેમના જીવનમાં એક છોકરી આવી. તેમણે તેના પ્રેમમાં ફરી વાંચવાનું શરૂ કર્યું. પછી મનોજે 12મું પાસ કર્યું એટલું જ નહીં આગળનો અભ્યાસ પણ કર્યો. આ સમર્પણ એવું હતું કે તે UPSCના ચોથા પ્રયાસમાં IPS બની ગયા. ફિલ્મ '12વી પાસ' તેમના જીવન પર આધારિત છે.

કોઈક રીતે IAS તુષાર સુમેરા પાસ થવામાં સફળ રહ્યા-
તુષાર સુમેરા કોઈક રીતે 10મા અને 12માની પરીક્ષા પાસ કરવામાં સફળ રહ્યા હતો. હાઈસ્કૂલમાં તેમણે અંગ્રેજીમાં 33, ગણિતમાં 36 અને વિજ્ઞાનમાં 38 માર્ક્સ મેળવ્યા હતા. તેમણે આ પરીક્ષા થર્ડ ડિવિઝન સાથે પાસ કરી હતી. બાદમાં ગ્રેજ્યુએશનમાં બીએ કર્યું. બી.એડ અને મદદનીશ શિક્ષક તરીકે કામ કરવા લાગ્યા. એક વખત આખા ગામમાં એવું કહેવાતું કે તે કંઈ કરી શકશે નહીં. પરંતુ, તેમણે બધાને ખોટા સાબિત કર્યા. 2012માં તુષાર UPSC પરીક્ષામાં ક્વોલિફાય થયા બાદ IAS બન્યા હતા. તેઓ ગુજરાતના ભરૂચમાં કલેક્ટર છે.

આકાશ કુલહારીને શાળામાંથી કાઢી મૂકાયા-
આકાશ કુલ્હારી રાજસ્થાનના બિકાનેરના રહેવાસી છે. એક વખત ઓછા માર્કસને કારણે તેમને શાળામાંથી કાઢી મૂકવામાં આવ્યા હતા. તેમણે ધોરણ 10ની પરીક્ષામાં માત્ર 57 ટકા માર્ક્સ મેળવ્યા હતા. પરંતુ, તેમણે ધોરણ 12માં સખત મહેનત કરી. જેના કારણે તેમને 85 ટકા માર્ક્સ મળ્યા હતા. ત્યારબાદ તેમણે બીકાનેરની દુગ્ગલ કોલેજમાંથી બીકોમ અને જેએનયુમાંથી એમકોમ કર્યું. 2006 માં તેમણે પ્રથમ પ્રયાસમાં UPSC પરીક્ષા પાસ કરી હતી.

IAS અંજુ શર્મા 12મામાં ફેલ થઈ ગઈ, પરંતુ હાર ન સ્વીકારી-
અંજુ શર્મા ગુજરાત કેડરના 1991 બેચના IAS અધિકારી છે. તેઓ શાળાના દિવસોમાં ઘણી વખત નિષ્ફળ રહ્યા હતા. તેઓ 12મામાં પણ નાપાસ થયા હતા. આમ છતાં તેમણે હાર ન સ્વીકારી. અંજુ શર્માએ જયપુરથી B.Sc અને પછી MBA કર્યું. માત્ર 22 વર્ષની ઉંમરે તેઓએ પહેલાં જ પ્રયાસમાં UPSC પરીક્ષા પાસ કરી હતી.