ટૂંકા વસ્ત્રોને લઇને અમદાવાદમાં ઉભો થયો વિવાદ; સ્થાનિકો અને PGમાં રહેતી યુવતીઓ આવી સામસામે!

ઉદય રંજન/અમદાવાદ: ટૂંકા વસ્ત્રોને લઇને વધુ એક વખત વિવાદ સામે આવે છે. આ વખતે અમદાવાદની સેટેલાઇટ વિસ્તારમાં આવેલ શિવરંજની સોસાયટીમાંથી ટૂંકા વસ્ત્રોનો મુદાઓ ઉભો થયો છે.

અમદાવાદના સેટેલાઇટમાં આવેલ શિવરંજની સોસાયટીમાં તકરારનો બનાવ સામે આવ્યો છે. આ તકરાર સોસાયટીના સ્થાનિક અને PGમાં રહેતી યુવતી વચ્ચેની છે. સોસાયટીના સ્થાનિકોનો આક્ષેપ છે કે સોસાયટીમાં PG માં રહેતી યુવતીઓ ટૂંકા વસ્ત્રો પહેરે છે અને દુષણ ઉભું કરે છે. 

ત્યારે PG માં રહેતી યુવતીનું કહેવું છે કે આ અમે ટૂંકા કપડાં પહેરીએ છીએ પણ PG માં રહેતી યુવતીઓ માટે સોસાયટી અલગ નિયમ બનાવે છે અને સોસાયટીના સભ્યો માટે અલગ નિયમો છે. ત્યારે સેટેલાઇટ પોલીસે બંને પક્ષે સામે સામે અરજીઓ કરતા પોલીસે તપાસ શરૂ કરી છે.