જસદણ પેટાચૂંટણી પરિણામ: કોંગ્રેસના ગઢમાં ખીલ્યું કમળ, આ સાથે જ ભાજપે ફટકારી સદી

અમદાવાદ: જસદણમાં હાલમાં જ પેટાચૂંટણી યોજાઈ ગઈ અને આજે પરિણામનો દિવસ હતો. ભાજપના કુંવરજી બાવળીયાએ કોંગ્રેસના અવસર નાકિયાને હરાવીને કોંગ્રેસનો ગઢ ગણાતા જસદણમાં ભાજપને જીત અપાવી છે. તેઓ 19,985 મતોથી જીત્યાં. આમ હવે કોંગ્રેસના ગઢમાં ભાજપનો આન બાન શાનથી પ્રવેશ થયો છે. આ સાથે જ ગુજરાત વિધાનસભામાં ભાજપના ધારાસભ્યોની સંખ્યા 100 પર પહોંચી ગઈ છે.  2017માં થયેલી ગુજરાત વિધાનસભાની ચૂંટણીમાં ભાજપે 99 બેઠકો પર જીત મેળવી હતી. જસદણમાં હાલ ભાજપમાંથી ચૂંટણી લડી  રહેલા કુંવરજી બાવળીયા અગાઉ કોંગ્રેસની ટિકિટ પરથી પાંચ વાર ચૂંટણી લડીને જીતી ચૂકેલા છે. જસદણમાં ભાજપે આ વખતે પેટાચૂંટણી જીતવા માટે મેગા પ્રચાર કર્યો હતો. જેમાં CM, 7 મંત્રી, 38 MLA, 3 કેન્દ્રીય મંત્રીએ પ્રચાર કર્યો હતો. કોંગ્રેસની ટિકિટ પરથી અવસર નાકિયા ચૂંટણી લડી રહ્યાં છે. પરંપરાગત રીતે જોવા જઈએ તો આ બેઠક કોંગ્રેસનો ગઢ ગણાય છે. 

કુંવરજી બાવળીયા પાંચવાર જીત્યા છે આ સીટ
પહેલા કોંગ્રેસમાં અને ત્યારબાદ ભાજપમાં આવેલા કુંવરજી બાવળીયા આ બેઠક પરથી અગાઉ  પાંચવાર ચૂંટણી જીતી ચૂકેલા છે. આ વખતે કોણ જીતશે તે તો આવનારો સમય જ કહેશે. 1995, 1998, 2002, 2007, 2017માં થયેલી વિધાનસભા ચૂંટણીમાં બાવળીયા કોંગ્રેસની ટિકિટ પરથી લડ્યા હતાં અને જીત્યાં હતાં. જો કે હવે તેઓ ભાજપમાંથી લડી રહ્યાં છે. આ સીટ પરંપરાગત રીતે કોંગ્રેસનો ગઢ હોવાથી હવે ચૂંટણી રોમાંચક બની રહી છે. ભાજપ તરફથી આ ચૂંટણીમાં પ્રચાર માટે કોઈ તક જવા દેવામાં આવી નથી. રાજ્યના દિગ્ગજ નેતાઓ પ્રચારમાં જોડાયા હતાં. 

જસદણ વિધાનસભા બેઠકનો વિજયી ઉમેદવારોનો અત્યાર સુધીનો રેકોર્ડ
વર્ષ	ઉમેદવારનું નામ	પક્ષ	મત સંખ્યા (જીતનાર ઉમેદવાર)	જીતનો તફાવત (મતસંખ્યા)
2017	કુંવરજી બાવળીયા	કોંગ્રેસ	84321	9277
2012	ભોળાભાઈ ગોહિલ	કોંગ્રેસ	78055	11027
2009 (પેટાચૂંટણી)	બી બી ખોડાભાઈ	ભાજપ	59934	14774
2007	કુંવરજી બાવળીયા	કોંગ્રેસ	64674	25679
2002	કુંવરજી બાવળીયા	કોંગ્રેસ	71296	20599
1998	કુંવરજી બાવળીયા	કોંગ્રેસ	40473	13300
1995	કુંવરજી બાવળીયા	કોંગ્રેસ	46207	21604
1990	ભીખાભાઈ ભાંભણીયા	IND (અપક્ષ)	19112	8187
1985	ડાભી મામૈયાભાઈ	કોંગ્રેસ	24736	10002
1980	ડાભી મામૈયાભાઈ	IND (અપક્ષ)	19041	4623
1975	શિવકુમાર ખાચર	IND (અપક્ષ)	27486	11199
1972	ગોસાઈ પી ગુલાબગીરી	કોંગ્રેસ	18831	6839
1967	શિવકુમાર ખાચર	SWA	13553	67
1962	વસંત પ્રભા શાહ	કોંગ્રેસ	11186	4682

ભાજપે કર્યો મેગા પ્રચાર
જસદણમાં ભાજપે આ વખતે પેટાચૂંટણીમાં મેગા પ્રચાર કર્યો છે. જેમાં CM, 7 મંત્રી, 38 MLA, 3 કેન્દ્રીય મંત્રીએ પ્રચાર કર્યો હતો. આ ઉપરાંત 5 સાંસદ, 6 પૂર્વ મંત્રીઓએ પણ પ્રચાર કર્યો હતો. ભાજપના 95 નેતાઓ પણ જસદણ પેટાચૂંટણીનાં મેગા પ્રચારમાં જોડાયા હતા. જસદણમાં ભાજપ તરફથી કુંવરજી બાવળીયા ચૂંટણીના મેદાનમાં છે. જ્યારે  કોંગ્રેસની ટિકિટ પરથી અવસર નાકિયા ચૂંટણી લડી રહ્યાં છે. પરંપરાગત રીતે જોવા જઈએ તો આ બેઠક કોંગ્રેસનો ગઢ ગણાય છે.