અમદાવાદ મેટ્રોઃ જાણો આ પ્રોજેક્ટ સાથે સંકળાયેલી રસપ્રદ માહિતી...

અમદાવાદ સહીત ગુજરાતની પ્રજાની મેટ્રો ટ્રેનની સવારી માટેની ઇંતેજારી ધીમેધીમે પૂર્ણ થવા જઇ રહી છે. અમદાવાદમાં ગુરૂવારે ફરી એકવાર મેટ્રો ટ્રેનનો ટ્રાયલ રન કરવામાં આવ્યો હતો. એપરલ પાર્ક સ્ટેશનથી વસ્ત્રાલ તરફના રૂટ પર 3 કોચની મેટ્રો ટ્રેનને અત્યંત ધીમી ગતીએ દોડવવામાં આવી. જે સમયે ગુજરાત મેટ્રોરેલ કોર્પોરેશન લીમીટેડના તમામ ઉચ્ચ અધિકારીઓ અને અન્ય કર્મચારીઓ ઉપસ્થીત રહ્યા હતા

Last Updated: Feb 07, 2019, 10:57 PM IST

અમદાવાદ મેટ્રોઃ જાણો આ પ્રોજેક્ટ સાથે સંકળાયેલી રસપ્રદ માહિતી...

અર્પણ કાયદાવાલા/ અમદાવાદઃ અમદાવાદ સહીત ગુજરાતની પ્રજાની મેટ્રો ટ્રેનની સવારી માટેની ઇંતેજારી ધીમેધીમે પૂર્ણ થવા જઇ રહી છે. અમદાવાદમાં ગુરુવારે ફરી એકવાર મેટ્રો ટ્રેનનો ટ્રાયલ રન કરવામાં આવ્યો. એપરેલ પાર્ક સ્ટેશનથી વસ્ત્રાલ તરફના રૂટ પર 3 કોચની મેટ્રો ટ્રેનને અત્યંત ધીમી ગતીએ દોડવવામાં આવી. જે સમયે ગુજરાત મેટ્રોરેલ કોર્પોરેશન લીમીટેડના તમામ ઉચ્ચ અધિકારીઓ અને અન્ય કર્મચારીઓ ઉપસ્થીત રહ્યા હતા.

લોકસભા ચૂંટણીના આ વર્ષમાં વડાપ્રધાન નરેન્દ્ર મોદીનો વધુ એક ડ્રીમ પ્રોજેક્ટ સાકાર થવા જઇ રહ્યો છે. અમદાવાદ મેટ્રો પ્રોજેક્ટ મુસાફરો માટે શરૂ થવાને હવે ગણતરીના દિવસો જ બાકી રહ્યા છે. મેટ્રો પ્રોજેક્ટના અધિકારીઓ દ્વારા ગુરુવારે વધુ એકવાર ટ્રેનનો ટ્રાયલ રન લેવાયો હતો.

નોંધનીય છે કે. મેટ્રો ટ્રેન પ્રોજેક્ટના અધિકારીઓ દિવસ-રાત આ પ્રોજેક્ટ પર કામ કરી રહ્યા છે. જે માટે ઝીણામાં ઝીણી બાબતો પર સતત નજર રાખવામાં આવી રહી છે. મેટ્રો પ્રોજેક્ટના ઓપરેશન વિભાગના જનરલ મેનેજરનું કહેવું છે કે, માર્ચ મહીનામાં કોઇપણ સમયે ટ્રેનને મુસાફરો માટે ખુલ્લી મુકવા તેમનું સમગ્ર તંત્ર તૈયાર છે. જે રીતે મેટ્રોના અધિકારીઓ દ્વારા એક પછી એક તબક્કા પસાર કરાઇ રહ્યા છે તેને જોતાં માર્ચ મહીનામાં કોઇપણ સમયે ટ્રેનને લોકો માટે ખુલ્લી મુકી દેવાશે.