રાજકોટ: સાવ મામૂલી વાત માટે છરીના ઘા ઝીંકી ભરવાડ યુવકની હત્યા કરાઈ

સત્યમ હંસોરા/રાજકોટ: ગુજરાતના રાજકોટમાં સાવ મામૂલી વાત માટે એક ભરવાડ યુવકની છરીના ઘા ઝીંકીને હત્યા કરી નાખવાનો ચોંકાવનારો બનાવ સામે આવ્યો છે. આ ઉપરાંત હવામાં 3 રાઉન્ડ ફાયરિંગ પણ કરાયું હતું. ફાયરિંગ અને હત્યાના બનાવથી શહેરમાં ખળભળાટ મચી ગયો છે.

મળતી માહિતી મુજબ રાજકોટના કોઠારિયા રોડ પર ઢોલર ચોકડી પાસે જાહેરમાં 3 રાઉન્ડ હવામાં ફાયરિંગ કરવામાં આવ્યું હોવાની પણ આશંકા છે. કહેવાય છે કે ઘાસચારા જેવી મામૂલી બાબતે બે જૂથ વચ્ચે તકરાર થઈ હોવાની આશંકા વ્યક્ત કરવામાં આવી છે. આ દરમિયાન જેસિંગ મેરા ભરવાડ નામની વ્યક્તિની છરીના ઘા ઝીંકીને હત્યા કરી દેવાઈ.

આ ઘટનામાં એક યુવાન ઈજાગ્રસ્ત પણ થયો છે જેને સિવિલ હોસ્પિટલમાં સારવાર માટે ખસેડાયો છે. ઘટના બાદ રાજકોટ પોલીસે તપાસ હાથ ધરાઈ છે.