રસિયા રૂપાળાનો મેળ પડી ગયો..! લાઈટ કાપતા કાપતા સીધા સ્ટુડીઓમાં પહોંચી ગયા..

Trending Video : ગુજરાતમાં હાલ બધાના મોઢે એક જ ગીત છે. ‘રસિયો રૂપાળો રંગ રેલીયો લાઈટ બિલ ભરતો નથી...’ વીજ કંપનીના એક કર્મચારીએ આ ગીત ગાયું, જેના પડઘા આખા ગુજરાતમાં મળ્યા. ખેડૂતોને લાઈટબિલની અપીલ કર્યા બાદ આ ગીતને એના જ અંદાજમાં ખેડૂતો જવાબ આપી રહ્યાં છે. પરંતુ ખાસ વાત તો એ છે કે, આ ગીત ગાનાર યુજીવીસીએલના કર્મચારી રાતોરાત પોપ્યુલર થઈ ગયા છે. આ રસિયા રૂપાળાનો મેળ પડી ગયો..! લાઈટ કાપતા કાપતાની અપીલ કરતા તેઓ હવે સીધા સ્ટુડિયોમાં પહોંચી ગયા છે. 

પાટણ જી.ઈ.બી સીટી -1 ના એક કર્મચારી દ્વારા ગુજરાતી ગીત.. રસિયો રૂપાળો રંગ રેલીયો... લાઈટ બિલ ભરતો નથી... ગીત સાથે નો એક વિડિઓ ખુબજ વાયરલ થયોહ તો. આ સુમધુર ગીત થકી લોક જાગૃતિ થકી વીજ ગ્રાહકોને લાઈટ બિલ ભરવા અપીલનો અનોખો પ્રયોગ કરવામાં આવ્યો છે. જેનો વીડિયો સોશિયલ મીડિયામાં બહુ ચર્ચાયો હતો. આ ગીત ઉત્તર ગુજરાતના યુજીવીસીએલમાં પાટણ સિટી-1 માં ફરજ બજાવતા જગદીશ ગોસ્વામીએ બનાવ્યુ હતું, જેના દ્વારા તેઓએ લાઈટબિલ ભરવા લોકોને લાઉડ સ્પીકર પર ગીતો ગાઈને અપીલ કરી હતી. 

જગદીશ ગોસ્વામીનો આ વીડિયો એટલો વાયરલ થયો કે, તેમની લોકપ્રિયતા વધી ગઈ છે. તેમના સુમધુર કંઠના લોકો વખાણ કરી રહ્યાં છે. જગદીશ ગોસ્વામી રાતોરાત ચમકી ગયા છે. ત્યાારે લાઈટ કાપવાની અપીલ કરતા કરતા તેઓ સીધા સ્ટુડિયોમાં પહોંચી ગયા છે. 

કર્મચારીની અપીલનો વીડિયો વાયરલ
પાટણ શહેર સીટી-1માં વીજ બિલના નાણાં બાકી હોય તેવા વિસ્તારોમાં જીઈબીના કર્મચારીઓ દ્વારા અનોખો પ્રયોગ કરી લોક જાગૃતિ લાવી રહ્યા છે. જેમાં જગદીશ ભાઈ ગોસ્વામી જે જીઈબી પાટણ સીટી-1માં લાઈન મેન તરીકે ફરજ નિભાવે છે. જેમને તેમના સુર મધુર કંઠે ગુજરાતી ગીતના શબ્દોમાં કેટલાક ફેરફાર કરી માઈક થકી ગીત ગાઈ વીજ ગ્રાહકોને વીજ બિલ ભરવા અપીલ કરી રહ્યાં છે જે વાયરલ વીડિયો ખુબ જ લોકપ્રિય થઈ રહ્યો છે. જીઈબીના કર્મચારીઓ શહેરના વિવિધ વિસ્તારોમાં ફરી ગીતના માધ્યમ થકી વિજબીલના બાકી નાણાં ભરવા અપીલ કરવાનો અનોખો અંદાજ લોકો ખુબ જ પસંદ કરી રહ્યા છે, ત્યારે લાખો લોકોએ આ વાયરલ વીડિયોને વખાણી રહ્યા છે. ઝી 24 કલાકની ટીમ દ્વારા આ વીડિયો વાયરલ અંગે તપાસ કરતા આ વીડિયો પાટણના પાવર હાઉસ જઈબી ભાગ 1 નો હોવાનું માલુમ પડ્યું હતું