પતિએ લગ્નની રાત્રે જ પત્નીને કહ્યું, દરવાજો ખુલ્લો રાખજે તારા કરતા કામવાળી મોજ કરાવે છે

રાજકોટ : હાલ રાજકોટ માવતરે રહેતી અને મોરબીમાં પિયર ધરાવતી મહિલા પોલીસ મથકમાં દહેજ અને ઉત્પીડનની ફરિયાદ દાખલ કરાવતા ચકચાર મચી ગઇ છે. પરણિતાના જણાવ્યા અનુસાર પતિએ લગ્નના બીજા જ દિવસે કહ્યું, આપણા રૂમનો દરવાજો ખુલ્લો રાખીને જ સૂવાનું છે. મને મારા પિતાથી ખુબ જ ડર લાગે છે. ત્રીજા દિવસે દિયર, સાસુ અને નણંદ સહિતનાએ ઘરકામ બાબતે માનસિક ત્રાસ આપવાનું શરૂ કર્યું હતું. જેના પગલે પરિણીતાએ રાજકોટમાં પોતાના પિયરે આવીને સાસરિયાં વિરુદ્ધ ફરિયાદ દાખલ કરાવી હતી. 

આ કેસમાં રાજકોટ મહિલા પોલીસે પિયરમાં રહેતી પરિણીતાની ફરિયાદના આધારે મોરબી શ્રીરામ કુંજ, બ્લોક નં. 58, શ્રીમદ્ સોસાયટી, વૃષભનગર-3 ખાતે રહેતાં તેના પતિ ભાવિક, સસરા અતુલભાઇ રજનિકાંત રાવલ, સાસુ કોકિલાબેન, દિયર ભાવિન અને નણંદ વૈશાલી સામે ગુનો નોંધ્યો છે.

પરિણીતાએ ફરિયાદમાં જણાવ્યું હતું કે મારા લગ્ન 7/5/2019ના રોજ જ્ઞાતિના રિવાજ મુજબ ભાવિક રાવલ સાથે થયા છે. અમારા લગ્ન જીવનમાં કોઇ સંતાન નથી. અમે લગ્ન બાદ બધા સંયુકત પરિવાર સાથે રહેતાં હતાં. લગ્નના બીજા જ દિવસે પતિએ કહ્યું કે, આપણે આપણા રૂમનો દરવાજો ખુલ્લો રાખીને જ સૂવાનું છે. મને મારા પિતાથી ખુબ જ ડર લાગે છે. 

પતિએ ત્રાસ આપવાનું શરૂ કરતા જણાવ્યું હતું કે, તમારામાં અને કામવાળીમાં મને કોઇ જાજો ફરક નથી લાગતો. આ ઉપરાંત મહિલા પોતાના કોઇ સહકર્મચારી સાથે વાત કરતી હોય તો પણ પતિ વારંવાર શંકા કરતો અને તે મુદ્દે મારઝુડ પણ કરતો હતો. આ ઉપરાંત પતિ જ્યારે બહાર જાય ત્યારે બહારથી દરવાજો બંધ કરીને પત્નીને પુરીને જતો રહેતો હતો.