વિકાસના નામે વિવિધ પ્રોજેક્ટો માટે આડેધડ કપાયા વૃક્ષો, મ્યુનિસિપલ કોર્પોરેશનના આંખ આડા કાન

અમદાવાદ (Ahmedabad) શહેરમાં છેલ્લા એક દાયકામાં વિકાસના અનેક કામો (Development Work) થયા છે. જેનો લાભ શહેરીજનોને દેખીતી રીતે મળ્યો છે

Updated By: Jul 13, 2021, 01:25 PM IST
વિકાસના નામે વિવિધ પ્રોજેક્ટો માટે આડેધડ કપાયા વૃક્ષો, મ્યુનિસિપલ કોર્પોરેશનના આંખ આડા કાન

અર્પણ કાયદાવાલા/ અમદાવાદ: અમદાવાદ (Ahmedabad) શહેરમાં છેલ્લા એક દાયકામાં વિકાસના અનેક કામો (Development Work) થયા છે. જેનો લાભ શહેરીજનોને દેખીતી રીતે મળ્યો છે. પરંતુ શહેરના શાંઘાઇ કે સિંગાપોર બનાવવાની લ્હાયમાં મ્યુનિસિપલ કોર્પોરેશનના (Municipal Corporation) અધિકારીઓ અને પદાધીકારઓ વિકાસની આડ અસર સામે આંખ આડા કાન કરી રહ્યા છે અને તેનુ ઉદાહરણ છે વિકાસના નામે અમલમાં મૂકાઇ રહેલા વિવિધ પ્રોજેક્ટો (Projects) માટે આડેધડ કપાઇ રહેલા વૃક્ષો.

એક તરફ મ્યુનિસિપલ કોર્પોરેશન (Municipal Corporation) દ્વારા મિશન મિલિયન ટ્રી (Mission Million Tree) ઝુંબેશ હેઠળ વર્ષે 10 લાખ વૃક્ષો (Tree) વાવવાની વાત કરાય છે, પરંતુ પાછલા 4 વર્ષમાં જ શહેરમાં 8794 વિશાળ વૃક્ષો કાપવામાં આવ્યા છે, જે પૈકી 900 વૃક્ષોને રી-પ્લાન કરવામાં સફળતા પણ મળી છે. નોંધનીય છેક તાજેતરમાં તૌકતે વાવાઝોડાના (Cyclone Tauktae) કારણે જ શહેરમાં નાનામોટા મળીને 12000 કરતા વધુ વૃક્ષો ધરાશાયી થયા હતા.

આ પણ વાંચો:- Ahmedabad: અમેરિકાની એજીલન્ટ ટેક્નોલોજીસએ GTU ને ભેટ આપ્યું અદ્યતન RTPCR મશીન

વર્ષ 2016-17 થી વર્ષ 2020-21 સુધીની વાત કરીએ તો મેટ્રો પ્રોજેક્ટ માટે અત્યાર સુધી 969, બુલેટ ટ્રેન પ્રોજેક્ટ માટે 4293, અને વિવિધ કારણોસરની મંજૂરી બાદ 3542 વૃક્ષો કારવાની સત્તાવાર મંજૂરી આપવામાં આવી છે. જ્યારે 3600 વૃક્ષો આકસ્મીક ઘટના અથવા અન્ય કારણોસર ધરાશાયી થયા છે.

આ પણ વાંચો:- સુરતમાં બાળકો માટે આ બીમારી બની રહી છે મોતનું કારણ, જાણો શું છે બીમારીના લક્ષણો

વર્ષ મેટ્રો ટ્રેન પ્રોજેક્ટ બુલેટ ટ્રેન પ્રોજેક્ટ આકસ્મીક પડેલ મંજૂરીથી કપાયેલ
2016-17 342 0 505 627
2017-18 235 177 556 736
2018-19 250 871 711 928
2019-20 77 428 767 614
2020-21 15 2817 1060 627
કુલ 969 4293 3699 3542

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube