શું થોડા ટાઈમમાં ભારતમાં સાવ બંધ થઈ જશે પેટ્રોલ-ડીઝલની ગાડીઓ? જાણો ગડકરીનો જવાબ

Petrol-Diesel: સમયની સાથે ટેકનોલોજીમાં પણ બદલાવ આવ્યો છે. ઈંધણના વધતા જતા ભાવની સામે ભારત સહિત દુનિયાના દેશોમાં નવા નવા વિકલ્પો ઉભા થઈ રહ્યાં છે. ત્યારે શું ભારતને પેટ્રોલ અને ડીઝલ વાહનોથી સંપૂર્ણપણે મુક્ત કરવું શક્ય છે? આ પ્રશ્નના જવાબમાં કેન્દ્રીય મંત્રી નીતિન ગડકરીએ કહ્યું કે, 100 ટકા. તે મુશ્કેલ છે, અશક્ય નથી. આ મારો અભિપ્રાય છે.”

Nitin Gadkari On Hybrid, Petrol & Diesel Cars:
કેન્દ્રીય રોડ ટ્રાન્સપોર્ટ અને હાઇવે મંત્રી નીતિન ગડકરીએ ભારતને હરિયાળી અર્થવ્યવસ્થા બનાવવા માટે દેશમાં હાઇબ્રિડ વાહનો પર ગુડ્સ એન્ડ સર્વિસ ટેક્સ (જીએસટી) ઘટાડવાની હિમાયત કરી છે. આ સાથે તેમણે કહ્યું કે દેશને પેટ્રોલ અને ડીઝલ વાહનોથી સંપૂર્ણપણે મુક્ત બનાવવું શક્ય છે. જ્યારે પૂછવામાં આવ્યું કે શું ભારતને પેટ્રોલ અને ડીઝલ વાહનોથી સંપૂર્ણપણે મુક્ત બનાવવું શક્ય છે, મંત્રીએ કહ્યું, "100 ટકા." તે મુશ્કેલ છે, અશક્ય નથી. આ મારો અભિપ્રાય છે.”

તેમણે કહ્યું કે ભારત ઈંધણની આયાત પર 16 લાખ કરોડ રૂપિયા ખર્ચે છે. મંત્રીએ કહ્યું કે આ નાણાનો ઉપયોગ ખેડૂતોના જીવનને સુધારવા માટે થશે, ગામડાઓ સમૃદ્ધ થશે અને યુવાનોને રોજગાર મળશે. જો કે, ગડકરીએ આ મહત્વાકાંક્ષી લક્ષ્ય હાંસલ કરવા માટે કોઈ સમયરેખા આપી ન હતી, જેને ગ્રીન એનર્જી સમર્થકો પણ અત્યંત મુશ્કેલ માને છે.

મંત્રી ગડકરીએ કહ્યું કે હાઇબ્રિડ વાહનો પર GST ઘટાડીને 5 ટકા અને ફ્લેક્સ એન્જિન પર 12 ટકા કરવાનો પ્રસ્તાવ નાણાં મંત્રાલયને મોકલવામાં આવ્યો છે, જે તેના પર વિચાર કરી રહ્યું છે. તેમણે કહ્યું કે તેઓ દ્રઢપણે માને છે કે દેશ જૈવ ઈંધણના ઉપયોગને પ્રોત્સાહન આપીને ઈંધણની આયાતને દૂર કરી શકે છે. ગડકરીએ કહ્યું કે તેઓ 2004થી વૈકલ્પિક ઇંધણની હિમાયત કરી રહ્યા છે અને તેમને વિશ્વાસ છે કે આવનારા પાંચથી સાત વર્ષમાં વસ્તુઓ બદલાશે.

આવું 100 ટકા શક્ય છે:
મંત્રીએ કહ્યું, “હું તમને આ ફેરફાર માટે કોઈ તારીખ અને વર્ષ કહી શકતો નથી કારણ કે તે ખૂબ જ મુશ્કેલ છે. તે મુશ્કેલ છે, અશક્ય નથી.'' તેમણે કહ્યું કે તેઓ દ્રઢપણે માને છે કે જે ગતિએ ઈલેક્ટ્રિક વાહનોની રજૂઆત થઈ રહી છે, આવનાર યુગ વૈકલ્પિક અને જૈવિક ઈંધણનો હશે અને આ સ્વપ્ન સાકાર થશે.

સરકાર વિકલ્પનો વિચાર કરી રહી છેઃ
ગડકરીએ કહ્યું કે બજાજ, ટીવીએસ અને હીરો જેવી ઓટોમોટિવ કંપનીઓ પણ ફ્લેક્સ એન્જિનનો ઉપયોગ કરીને મોટરસાઈકલ બનાવવાની યોજના બનાવી રહી છે. આવી જ ટેક્નોલોજીથી બનેલા થ્રી-વ્હીલર પણ આવી રહ્યા છે.