કર્ણાટક વિધાનસભા ચૂંટણી ફિવર વચ્ચે કેન્દ્રિય મંત્રીનું અપમાન કરાતાં ચૂંટણી પંચને રજૂઆત

બેંગલુરૂ : કર્ણાટક વિધાનસભા ચૂંટણી ચરમસીમાએ છે એ સંજોગોમાં કેન્દ્રિય મંત્રી સાધ્વી નિરંજન જ્યોતિ સાથે હુબલી એરપોર્ટ પર અપમાનજનક વ્યવહાર કરાતાં વિવાદ ખડો થયો છે. ભાજપ કર્ણાટક ચૂંટણી વિંગ દ્વારા આ મામલે ચૂંટણી પંચમાં રજૂઆત કરવામાં આવી છે. જેમાં કહેવાયું છે કે, મંત્રી જ્યોતિને હુબલી એરપોર્ટ પર હેરાન પરેશાન કરવામાં આવ્યા હતા. ફરિયાદમાં એ પણ ઉલ્લેખ કરાયો છે કે, એરપોર્ટ ઓથોરિટીના અધિકારી દ્વારા એમને જાણી જોઇને હેલિકોપ્ટરમાંથી નીચે ઉતરવાની પરવાનગી આપવામાં આવી ન હતી. અહીં નોંધનિય છે કે, સાધ્વી નિરંજન જ્યોતિ ઉત્તરપ્રદેશના ફતેહપુર જિલ્લાના સાંસદ છે અને કેન્દ્રમાં રાજ્યમંત્રી છે. 

#Karnataka BJP files complaint with Election Commission, alleging that Minister Sadhvi Niranjan Jyoti was harassed & humiliated at Hubli Airport, complaint also states that 'Yadgir Deputy Commissioner deliberately did not grant her permission for helicopter landing.' (File Pic) pic.twitter.com/gKHuW2fmA0

— ANI (@ANI) May 4, 2018