Omicron સંકટ વચ્ચે મહત્વના સમાચાર: બે રસી CORBEVAX, COVOVAX અને કોરોના દવા Molnupiravir ને મળી મંજૂરી

નવી દિલ્હી: કોરોના વાયરસના વધતા કેસ અને ઓમિક્રોનના સંકટ વચ્ચે કેન્દ્રીય સ્વાસ્થ્ય મંત્રાલયે કોરોનાની એક દવા અને બે નવી રસીને મંજૂરી આપી દીધી છે. ભારતમાં હવે બે નવી રસી CORBEVAX અને COVOVAX ને મંજૂરી મળી છે. આ ઉપરાંત કોરોનાની દવા Molnupiravir ને પણ મંજૂરી મળી છે. 

આ અવસરે કેન્દ્રીય સ્વાસ્થ્ય મંત્રી મનસુખ માંડવિયાએ ટ્વીટ કરીને કહ્યું કે ભારતને અભિનંદન! કોવિડ-19 વિરુદ્ધ લડાઈ મજબૂત બનાવવા માટે CDSCO, સ્વાસ્થ્ય મંત્રાલયે એક જ દિવસમાં CORBEVAX રસી, COVOVAX  રસી અને એન્ટી વાયરલ ડ્રગ Molnupiravir ને ઈમરજન્સી ઉપયોગ માટે મંજૂરી આપી દીધી છે. 

Congratulations India 🇮🇳

Further strengthening the fight against COVID-19, CDSCO, @MoHFW_INDIA has given 3 approvals in a single day for:

- CORBEVAX vaccine
- COVOVAX vaccine
- Anti-viral drug Molnupiravir

For restricted use in emergency situation. (1/5)

— Dr Mansukh Mandaviya (@mansukhmandviya) December 28, 2021

કેન્દ્રીય સ્વાસ્થ્ય મંત્રી મનસુખ માંડવિયાએ વધુ એક ટ્વીટમાં જણાવ્યું કે CORBEVAX રસી કોવિડ-19 વિરુદ્ધ ભારતની પહેલી સ્વદેશી રીતે વિક્સિત RBD પ્રોટીન સબ યૂનિટ વેક્સીન છે. જેને હૈદરાબાદ સ્થિત  બાયોલોજિકલ-ઈ દ્વારા બનાવવામાં આવી છે. આ એક હેટ્રિક છે! હવે ભારતમાં ત્રીજી કોરોના રસી પણ વિક્સિત થઈ ચૂકી છે. 

The Nanoparticle Vaccine, COVOVAX, will be manufactured by Pune-based firm Serum Institute of India. (3/5)

— Dr Mansukh Mandaviya (@mansukhmandviya) December 28, 2021

તેમણે પોતાની અન્ય એક ટ્વીટમાં લખ્યું કે નેનોપાર્ટિકલ રસી, COVOVAX નું નિર્માણ પુણે સ્થિત સીરમ ઈન્સ્ટિટ્યૂટ ઓફ ઈન્ડિયા દ્વારા  કરવામાં આવશે. આ ઉપરાંત તેમણે ટ્વીટમાં લખ્યું કે Molnupiravir, એક એન્ટીવાયરલ ડ્રગ હવે દેશમાં 13 કંપનીઓ દ્વારા કોવિડ-19ના વયસ્ક દર્દીઓની સારવાર અને જેમનામાં બીમારી વધવાનું ઉચ્ચ જોખમ છે, તેમના માટે ઈમરજન્સી સ્થિતિમાં મર્યાદિત રીતે ઉપયોગ માટે નિર્મિત કરવામાં આવશે. 

PM @NarendraModi Ji has led the battle against #COVID19 from the front. All these approvals will further strengthen the global fight against the pandemic.

Our Pharma Industries are asset for the entire world.

सर्वे भवन्तु सुखिनः
सर्वे सन्तु निरामयाः। (5/5)

— Dr Mansukh Mandaviya (@mansukhmandviya) December 28, 2021

તેમણે એમ પણ કહ્યું કે પીએમ નરેન્દ્ર મોદીએ કોવિડ-19 વિરુદ્ધ લડતને પોતે આગળ રહીને લીડ કરી છે. આ તમામ એપ્રુઅલ વૈશ્વિક મહામારી વિરુદ્ધ ગ્લોબલ ફાઈટને મજબૂતી આપશે. આપણી ફાર્મા ઈન્ડસ્ટ્રીઝ સમગ્ર વિશ્વની સંપત્તિ છે. સર્વે ભવન્તુ સુખિન:, સર્વે સંતુ નિરામયા!