Hanuman Jayanti: જ્યારે હનુમાનજીની મૂર્તિની આંખોમાંથી આંસુ વહેવા લાગ્યા! દર્શન માટે ઉમટી ભીડ

હનુમાન જયંતિના અવસર પર કાનપુરના એક મંદિરમાં ભક્તોની અણધારી ભીડ પાછળ એક વાયરલ વીડિયો કારણભૂત છે. આ વીડિયોમાં બતાવવામાં આવ્યું છે કે હનુમાન મંદિરમાં સ્થાપિત હનુમાનની મૂર્તિની આંખોમાંથી આંસુ નીકળી રહ્યા છે. આટલું જ નહીં, પ્રતિમાની સામે એક પોલીસ અધિકારી પણ જોવા મળે છે. આ વીડિયો પછી અહીં ભક્તોની અવરજવર વધી ગઈ. અહીં, વિડીયો વાયરલ થયા બાદ અધિકારીઓ તાત્કાલિક દોડયા હતા. જ્યારે અધિકારીઓએ જાતે ઘટનાસ્થળે પહોંચી ઘટનાક્રમની તપાસ કરી તો વીડિયોમાંના દાવાઓ પાયાવિહોણા હોવાનું જણાયું હતું.

આ મામલો કાનપુર મહાનગરના ચકેરી પોલીસ સ્ટેશન વિસ્તારના કોયલા નગરનો છે. જ્યાં ચોકીના પરિસરમાં હનુમાન મંદિર બનેલું છે. વીડિયોમાં પોસ્ટના સબ ઈન્સ્પેક્ટર પણ સામે જોવા મળી રહ્યા છે. ઈન્સ્પેક્ટરના હવાલાથી કહેવામાં આવ્યું છે કે તેઓ પૂજા કરવા મંદિર પહોંચ્યા હતા, આ દરમિયાન તેમણે જોયું કે હનુમાનજીની મૂર્તિમાંથી આંસુ નીકળી રહ્યા હતા. આ સમાચાર મળતા જ આ વિસ્તારમાં દર્શનાર્થીઓનો ધસારો જોવા મળ્યો હતો. આ દરમિયાન કોઈએ રડતી મૂર્તિનો વીડિયો બનાવીને સોશિયલ મીડિયા પર વાયરલ કરી દીધો હતો. જે બાદ ઉચ્ચ અધિકારીઓએ ઘટનાની તપાસ કરી હતી.

ACP અમરનાથે જણાવ્યું કે જ્યારે તેમને આ વાતની જાણ થઈ તો તેઓ પોતે મંદિર પહોંચ્યા અને મંદિરના દર્શન કર્યા. પરંતુ તેને આવા કોઈ પુરાવા મળ્યા ન હતા. તેણે કહ્યું કે બજરંગબલી પોતે મુશ્કેલીનિવારક છે, તેથી આવી કોઈ શક્યતા નથી. આ વિડીયો કોણે વાયરલ કર્યો છે અને કોણે બનાવ્યો છે અને કેટલાને ફરતો કર્યો છે તેની તપાસ કરવામાં આવી રહી છે. તેમણે કહ્યું કે તેમણે ઇન્સ્પેક્ટર સાથે પણ વાત કરી છે, તેમણે આવી બાબતોનો ઇનકાર કર્યો છે. જોકે, આ સમાચાર બાબતે પોલીસ સ્પષ્ટ ઈનકાર કરી રહી છે કે આવી કોઈ ઘટના ઘટી છે. જોકે, આ મામલે વીડિયો વાયરલ થયો છે જેની તપાસ ચાલી રહી છે.