જ્યોર્જ ફર્નાન્ડીઝની હાથકડી વાળી મુર્તિ થશે સ્થાપિત, નીતીશ કુમારે કરી જાહેરાત

પટના : દેશનાં પૂર્વ સંરક્ષણ મંત્રી અને સમતા પાર્ટીના સંસ્થાપક જ્યોર્જ ફર્નાન્ડીઝને આજે શ્રદ્ધાંજલી આપવામાં આવી. આ ઘટના પ્રસંગે બિહારના મુખ્યમંત્રી નીતીશ કુમારે જ્યોર્જ ફર્નાન્ડીઝનાં સન્માનમાં મુજફ્ફરપુરમાં એક મુર્તિ સ્થાપિત કરવાની જાહેરાત કરી. નીતીશ કુમારે જ્યોર્જ ફર્નાન્ડીઝને શ્રદ્ધાંજલી આપતા કહ્યું કે, જો બિહારમાં તેઓ મુખ્યમંત્રી છે તો જ્યોર્જ ફર્નાન્ડીઝના કારણે. 

મુજફ્ફરપુર જેલમાં રહીને જ્યોર્જ ફર્નાન્ડીસે ચૂંટણી લડી હતી અને જીતી પણ હતી. 1977ની ચૂંટણી દરમિયાન જ્યોર્જ ફર્નાન્ડીઝની હાથકડીવાળી તસ્વીરની ચર્ચા પણ ઘણી થઇ. હવે જ્યોર્જ ફર્નાન્ડીઝની હાથકડી પહેરેલી એક મુર્તિ પણ લગાવવામાં આવશે. જનતા દળ યૂનાઇટેડની તરફથી પટનાના રવીન્દ્ર ભવનમાં એક શ્રદ્ધાંજલી સભા આયોજીત કરવામાં આવી હતી. નીતીશ કુમારના અનુસાર વર્ષ 1994 આવતા આવતા બિહારની સરકારમાંથી તેમનો મોહભંગ થઇ ગયો હતો. અને આખરે જનતા દળ જ્યોર અને ત્યાર બાદ 14 સાંસદો સાથે સમતા પાર્ટીની સ્થાપના કરવામાં આવી. 

સતત સંઘર્ષ બાદ બિહારમાં લોકસભા ચૂંટણીમાં તો સફળતા મળી. જો કે 11 વર્ષના સંઘર્ષ બાદ 2005માં બિહારની સેવા કરવાની તક મળી. નીતીશ કુમારે કહ્યું કે, જો તેઓ આજે બિહારની સેવા કરી રહ્યા છે તો જ્યોર્જ ફર્નાન્ડિઝના કારણે જ શક્ય બન્યું છે. જ્યોર્જ ફર્નાન્ડીઝને તેઓ ક્યારે પણ ભુલી શકે નહી. 

શ્રદ્ધાંજલી સભાને જળ સંસાધન મંત્રી લલન સિંહ અને પાર્ટીનાં પ્રદેશ અધ્યક્ષ વશિષ્ઠ નારાયણ સિંહે પણ સંબોધિત કર્યા. લલન સિંહે કહ્યું કે, સંરક્ષણ મંત્રી કાળ દરમિયાન તેઓ 30થી પણ વધારે વખત લેહ અને જમ્મુ કાશ્મીર ગયા. તેમની સંવેદના તમામ લોકોપ્રત્યે હતી. તેઓ ફુટપાથ પર પણ સુતા હતા અને દિવસમાં કામ કરતા હતા. જ્યોર્જ સાહેબે બિહારને ઘણુ બધુ આપ્યું છે. 

પ્રદેશ અધ્યક્ષ વશિષ્ટ નારાયણ સિંહે સંબોધિત કરતા કહ્યું કે, સમાજવાદી વલણ જ્યોર્જ સાહેબનું હતું. તેમનો લગાવ બિહાર સાથે ઘણો હતો અને બિહારે પણ તેમને નથી ભુલાવ્યા. જો જનતા દળ યૂનાઇટેડ સરકારમાં તો તેઓ જ્યોર્જ સાહેબના કારણે. શ્રદ્ધાંજલી સભામાં બિહાર સરકારમાં જદયું કોટાથી અન્ય ઘણા મંત્રાલયો પણ સંભાળી ચુક્યા છે.