Coronavirus Cases Today: કોરોનાથી મળી રાહત, છેલ્લા 24 કલાકમાં 1.61 લાખ કેસ, 1733ના મૃત્યુ

નવી દિલ્હીઃ Coronavirus Cases Today in India: દેશમાં જીવલેણ કોરોના વાયરસ (Coronavirus) ના કેસમાં કાલના મુકાબલે આજે ઘટાડો થયો છે. દેશમાં છેલ્લા 24 કલાકમાં કોરોના વાયરસના 1 લાખ 61 હજાર 386 નવા કેસ સામે આવ્યા છે અને 1733 લોકોના મૃત્યુ થયા છે. કાલની તુલનામાં આજે 3.4 ટકા કેસ ઓછા થયા છે. દેશમાં દૈનિક પોઝિટિવિટી રેટ ઘટીને 10 ટકાની નીચે આવી ગયો છે. જાણો દેશમાં કોરોનાની વર્તમાન સ્થિતિ શું છે. 

એક્ટિવ કેસ ઘટીને 16 લાખ 21 હજાર 603
કેન્દ્રીય સ્વાસ્થ્ય મંત્રાલય તરફથી જાહેર કરવામાં આવેલા આંકડા પ્રમાણે દેશમાં એક્ટિવ કેસની સંખ્યા ઘટીને 16 લાખ 21 હજાર 603 થઈ ગઈ છે. તો આ મહામારીથી જીવ ગુમાવનારની સંખ્યા વધીને 4 લાખ 97 હજાર 975 થઈ ગઈ છે. આંકડા પ્રમાણે કાલે બે લાખ 81 હજાર 109 લોકો સાજા થયા હતા, ત્યારબાદ અત્યાર સુધી 3 કરોડ 95 લાખ 11 હજાર 307 લોકો સંક્રમણથી મુક્ત થઈ ચુક્યા છે. 

India reports 1,61,386 fresh COVID cases and 2,81,109 recoveries in the last 24 hours

Active cases: 16,21,603
Total recoveries: 3,95,11,307
Daily positivity rate: 9.26%

Total vaccination: 167.29 crore pic.twitter.com/QD2jptRtG4

— ANI (@ANI) February 2, 2022

અત્યાર સુધી 167 કરોડથી વધુ રસીના ડોઝ અપાયા
રાષ્ટ્રવ્યાપી ચાલી રહેલી રસીકરણ ઝુંબેશ હેઠળ અત્યાર સુધી કોરોના વાયરસની રસીના 167 કરોડથી વધુ ડોઝ આપવુામાં આવ્યા છે. મંગળવારે 57 લાખ 42 હજાર 659 ડોઝ આપવામાં આવ્યા, ત્યારબાદ દેશમાં રસીકરણ કવરેજનો આંકડો 167 કરોડ 29 લાખ 42 હજાર 707 ડોઝ થઈ ગયો છે. સ્વાસ્થ્ય મંત્રાલયે જણાવ્યું કે, રાજ્યો અને કેન્દ્ર શાસિત પ્રદેશોને વેક્સીનના 164.89 કરોડથી વધુ ડોઝ ઉપલબ્દ કરાવવામાં આવ્યા છે. રાજ્યો અને કેન્દ્ર શાસિત પ્રદેશોની પાસે હાલ વેક્સીનના 11.48 કરોડથી વધુ ડોઝ ઉપલબ્ધ છે. 

આ પણ વાંચોઃ દેશમાં નવુ બંધારણ લખવાની જરૂર, તેલંગણાના મુખ્યમંત્રી કેસી રાવનું વિવાદિત નિવેદન  

ઓમિક્રોનના 10 સપ્તાહમાં 9 કરોડથી વધુ કેસ સામે આવ્યા
વિશ્વ સ્વાસ્થ્ય સંગઠને કહ્યું કે, 10 સપ્તાહ પહેલાં કોરોના વાયરસનો ઓમિક્રોન વેરિએન્ટ સામે આવ્યા બાદથી અત્યાર સુધી વાયરસના 9 કરોડથી વધુ કેસ સામે આવી ચુક્યા છે, જે 2020માં સામે આવેલા કુલ કેસથી વધુ છે. ઉલ્લેખનીય છે કે વર્ષ 2022માં કોવિડ-19 મહામારીની શરૂઆત થઈ હતી.