મહારાષ્ટ્ર : 2024 પહેલાં ઠાકરે અને પવારે વધાર્યું ભાજપનું ટેન્શન, RSSના હોમટાઉનમાં ઝટકો

મુંબઈઃ Maharashtra MLC Election Result: વિપક્ષી ગઠબંધન મહા વિકાસ અઘાડી (MVA) ના ઉમેદવાર ધીરજ લિંગાડે શુક્રવારે મહારાષ્ટ્ર વિધાન પરિષદની અમરાવતી મંડળની સ્નાતક બેઠક જીતી ગયા છે. લિંગાડેએ આ બેઠક પર વર્તમાન એમએલસી અને ભાજપના ઉમેદવાર રણજીત પાટીલને હરાવ્યા છે. અમરાવતી સ્નાતક બેઠક માટે મતોની ગણતરી લગભગ 30 કલાક ચાલી હતી.  કારણ કે ગુરુવારે સવારે 8 વાગ્યે શરૂ થયેલી મતગણતરી શુક્રવારે બપોરે 1.30 વાગ્યે સમાપ્ત થઈ હતી.

MVA સમર્થિત ઉમેદવારોએ ગુરુવારે મહારાષ્ટ્ર વિધાન પરિષદની ચૂંટણીમાં બે બેઠકો જીતી, ભારતીય જનતા પાર્ટી-બાલાસાહેબાચી શિવસેના ગઠબંધનને આંચકો આપ્યો.  MVAમાં શિવસેના (ઉદ્ધવ બાળાસાહેબ ઠાકરે), રાષ્ટ્રવાદી કોંગ્રેસ પાર્ટી અને કોંગ્રેસનો સમાવેશ થાય છે. અમરાવતીમાં, એમવીએના લિંગાડેને 46,344 મત મળ્યા, જ્યારે ભાજપના ઉમેદવાર રણજીત પાટીલને 42,962 મત મળ્યા, એમ એક અધિકારીએ જણાવ્યું હતું.

આ પણ વાંચોઃ ચિત્તા સફારી! 100 ચિત્તાઓ લવાશે ભારત, કુનો પાલપુર નેશનલ પાર્કનું નામ દેશભરમાં ગુંજશે

તેમણે કહ્યું કે મતગણતરી પૂરી થયા બાદ આંકડાઓને મંજૂરી માટે ચૂંટણી પંચને મોકલવામાં આવ્યા હતા અને સાંજે 4 વાગ્યે પરિણામ જાહેર કરવામાં આવ્યા હતા. અધિકારીના જણાવ્યા અનુસાર, કુલ 23 ઉમેદવારો મેદાનમાં હતા, જેમાંથી 17 ઉમેદવારો બીજા પસંદગીના મતોની ગણતરી સાથે હરીફાઈમાંથી બહાર થઈ ગયા હતા. તેમણે જણાવ્યું કે કુલ 94,200 મત પડ્યા છે, જેમાંથી 8,387 અમાન્ય છે.

ભાજપને અહીં જ જીત મળી છે
પાંચેય બેઠકો જીતવાના તેના આત્મવિશ્વાસના દાવા છતાં, ભાજપને માત્ર કોંકણથી સંતોષ માનવો પડ્યો, જ્યારે નાસિક સ્નાતક મતવિસ્તાર ભાજપ સમર્થિત અપક્ષ સત્યજીત તાંબેને ગયો, જેમણે કોંગ્રેસમાં જોડાવાના મિશ્ર સંકેતો આપ્યા છે. કોંગ્રેસના મુખ્ય પ્રવક્તા અતુલ લોંધેએ જણાવ્યું હતું કે ભાજપે ચાર બેઠકો ગુમાવી છે અને આ ચૂંટણીઓમાં શિક્ષિત અને બૌદ્ધિક વર્ગોમાં પણ પાર્ટીએ તેનું સ્થાન ગુમાવ્યું છે. લોંધેએ કહ્યું કે, ભાજપે ચાર બેઠકો ગુમાવી છે, જે દર્શાવે છે કે શિક્ષિત અને બૌદ્ધિક વર્ગમાં પાર્ટીએ પોતાનું સ્થાન ગુમાવ્યું છે. રાજ્ય માટે આ ખૂબ જ મહત્વપૂર્ણ છે.

આ પણ વાંચોઃ Adani Group: અદાણી મામલામાં પ્રથમવાર બોલ્યા નાણામંત્રી નિર્મલા સીતારમણ, કહ્યું કે..

MLC ચૂંટણીના તાજેતરના રાઉન્ડમાં, બીજેપીના જ્ઞાનેશ્વર મ્હાત્રે કોંકણ શિક્ષક મતવિસ્તારમાં MVA સમર્થિત ખેડૂત અને વર્કર્સ પાર્ટીના ઉમેદવાર બલરામ પાટીલને હરાવ્યા છે. વિદર્ભ માધ્યમિક શિક્ષક સંઘના કોંગ્રેસ-એમવીએના સુધાકર અડેબલે ભાજપ સમર્થિત અપક્ષ અને વર્તમાન એમએલસી નાગો ગાનારને હરાવ્યા છે.

NCP-MVA ઉમેદવાર અને MLC વિક્રમ કાલેએ ઔરંગાબાદમાં ભાજપના કિરણ પાટીલને હરાવ્યા. નાસિકમાં કોંગ્રેસના બળવાખોર સત્યજીત તાંબેએ સેના (UBT)-MVA ઉમેદવાર શુભાંગી પાટિલને હરાવ્યા. લોંધેએ જણાવ્યું હતું કે ત્રણ વર્ષમાં આ ત્રીજી વખત છે જ્યારે MVAએ ભાજપને તેમના હોમ ટાઉન (નાગપુર)માં હાર મળી છે, જેમાં RSS મુખ્યાલયનો સમાવેશ થાય છે, તેમજ કેન્દ્રીય પ્રધાન નીતિન ગડકરી અને નાયબ મુખ્ય પ્રધાન દેવેન્દ્ર ફડણવીસ અને ભાજપના અન્ય વરિષ્ઠ નેતાઓનો સમાવેશ થાય છે.

લોંધેએ કહ્યું કે અગાઉ, MVA નાગપુર સ્નાતક મતવિસ્તાર અને પછી જિલ્લા પરિષદની ચૂંટણી અને હવે નાગપુર શિક્ષક મતવિસ્તાર જીત્યું હતું, જે દર્શાવે છે કે જનતા ભાજપથી પોતાને દૂર કરી રહી છે.

આ પણ વાંચોઃ અદાણી સમૂહને મળેલી 80,000 કરોડની લોન પર RBIનો મોટો નિર્ણય, બેંકો પાસે હિસાબ માંગ્યો