સંજય રાઉતનો BJP પર આરોપ; પવારને ધમકી આપવામાં આવી, આવી ભાષા અમને મંજૂર નથી

Maharashtra Political Crisis: મહારાષ્ટ્રમાં ચાલી રહેલા રાજકીય સંકટ વચ્ચે શિવસેનાના પ્રવક્તા સંજય રાઉતે ભારતીય જનતા પાર્ટી પર મોટો આરોપ લગાવ્યો છે. શિવસેાના પ્રવક્તા સંજય રાઉતે કહ્યું કે એનસીપી પ્રમુખ શરદ પવારને ધમકી આપવામાં આવી છે. જે ભાષાનો ઉપયોગ કરાયો છે તે અમને મંજૂર નથી. 

સંજય રાઉતનું નિવેદન
શિવસેનાના રાજ્યસભા સાંસદ સંજય રાઉતે ટ્વીટ કરીને કહ્યું કે ભાજપના એક કેન્દ્રીય મંત્રીએ કહ્યું છે કે જો મહાવિકાસ આઘાડી સરકારને બચાવવાની કોશિશ કરવામાં આવી તો શરદ પવારને ઘરે જવા દેવામાં નહીં આવે. રાઉતે વધુમાં કહ્યું કે એમવીએ સરકાર બચશે કે નહીં, શરદ પવાર વિશે આવી ભાષાનો ઉપયોગ સ્વીકાર્ય નથી. 

महाविकास आघाडीचे सरकार वाचवण्याचा प्रयत्न केला तर शरद पवार यांना घरी जाऊ देणार नाही .रस्त्यात अडवू.अशी धमकी भाजपचा एक केंद्रीय मंत्री देतो.ही भाजपची अधिकृत भूमिका असेल तर तसे जाहीर करा. सरकार टिकेल किंवा जाईल..पण शरद पवार यांच्या बाबत अशी भाषा महाराष्ट्राला मान्य नाहीं@PMOIndia pic.twitter.com/YU1Pc39vCb

— Sanjay Raut (@rautsanjay61) June 24, 2022

સંજય રાઉતે વધુમાં કહ્યું કે એક કેન્દ્રીય મંત્રી દ્વારા શરદ પવારને જે ધમકીઓ આપવામાં આવી રહી છે શું આવી ધમકીઓને મોદીજી અને અમિત શાહનું સમર્થન છે? અમે (બળવાખોર) વિધાયકોને અયોગ્ય ઠેરવવા માટે કાર્યવાહી કરી રહ્યા છીએ. 

No Central minister is giving threats. BJP is not trying to destabilise the government. This is an internal matter of the Shiv Sena. BJP is only in wait & watch position: MoS Railways and BJP leader Raosaheb Patil Danve on Maharashtra political crisis pic.twitter.com/V3z63oJO3m

— ANI (@ANI) June 24, 2022

ભાજપે કર્યો પલટવાર
સંજય રાઉતના આવા ગંભીર આક્ષેપો પર ભાજપે પણ પલટવાર કર્યો. ભાજપના નેતા અને કેન્દ્ર સરકારમાં મંત્રી રાવસાહેબ પાટિલ દાનવેએ કહ્યું કે કોઈ પણ કેન્દ્રીય મંત્રી ધમકી આપી રહ્યા નથી. ભાજપ સરકારને અસ્થિર કરવાનો પ્રયત્ન કરતું નથી. આ શિવસેનાનો આંતરિક મામલો છે. ભાજપ હાલ માત્ર વેઈટ એન્ડ વોચની સ્થિતિમાં છે.