PM મોદી અને રાજ્યપાલ ધનખડને CM મમતાએ જોવડાવી 30 મિનિટ રાહ, કાગળ આપી નીકળી ગયા

નવી દિલ્હી: પ્રધાનમંત્રી નરેન્દ્ર મોદીએ (Narendra Modi) શુક્રવારે યાસ વાવાઝોડાને (Yaas Cyclone) કારણે થયેલા નુકસાનની જાણકારી મેળવવા પશ્ચિમ બંગાળ (West Bengal) અને ઓડિશાના (Odisha) પ્રભાવિત વિસ્તારોનો હવાઈ સર્વે કર્યો હતો. આ સમય દરમિયાન પીએમ મોદીએ બંને રાજ્યો માટે રાહત પેકેજની પણ જાહેરાત કરી હતી.

1000 કરોડ રૂપિયાની સહાયની જાહેરાત
પીએમ મોદીએ તાત્કાલિક રાહત પ્રવૃત્તિઓ માટે રૂ .1000 કરોડની આર્થિક સહાયની જાહેરાત કરી. તેમાંથી 500 કરોડ રૂપિયા ઓડિશાને તાત્કાલિક આપવામાં આવશે. જ્યારે બાકીના 500 કરોડ રૂપિયા પશ્ચિમ બંગાળ અને ઝારખંડ માટે હશે. તેમણે કહ્યું કે આ રકમ નુકસાનનું આકારણી કર્યા પછી જ બહાર પાડવામાં આવી રહી છે. જોકે પ્રધાનમંત્રીના આ નિર્ણય અંગે સમીક્ષા બેઠક હતી, જેમાં પશ્ચિમ બંગાળના રાજ્યપાલ જગદીપ ધનખર, સીએમ મમતા બેનર્જી, કેન્દ્રીય મંત્રી અને બંગાળના સાંસદ દેબાશ્રી ચૌધરી અને કેન્દ્રીય મંત્રી ધર્મેન્દ્ર પ્રધાન ઉપસ્થિત રહેવાના હતા.

આ પણ વાંચો:- હવે 'ફૂંક મારી' જાણી શકો છો કોરોના છે કે નહીં, માત્ર 60 સેકન્ડમાં મળશે રિઝલ્ટ

30 મિનિટ મોડા પહોંચ્યા મમતા, રિપોર્ટ રજૂ કર્યો અને ચાલ્યા ગયા
પરંતુ મમતા બેનર્જી 30 મિનિટ વિલંબ સાથે આ સભામાં પહોંચ્યા. એટલું જ નહીં, રાજ્યના મુખ્ય સચિવ પણ મોડેથી પહોંચ્યા. આ પછી પણ સભામાં મમતા અટક્યા નહીં. તેમણે ચક્રવાતથી રાજ્યમાં થયેલા નુકસાન સાથે સંબંધિત કેટલાક દસ્તાવેજો આપ્યા અને ચાલ્યા ગયા. સૂત્રોના જણાવ્યા અનુસાર મમતા બેનર્જીએ (Mamata Banerjee) કહ્યું કે તેમને અન્ય બેઠકોમાં જવુ પડશે. મમતા બેનર્જીના આ વલણથી કેન્દ્રમાં શાસક પક્ષ અને ટીએસએમ વચ્ચે ફરી એકવાર ટકરાવ વધી શકે છે. જો કે, આ બેઠક દરમિયાન રાજ્યના રાજ્યપાલ જગદીપ ધનકર સંપૂર્ણ સમય હાજર હતા.