Amazon ની એક ચાલ અને ભારતને લોટરી! નવા વર્ષમાં 20 લાખ લોકોને આ રીતે મળશે નોકરી

15-minute delivery Service: એમેઝોન ઈન્ડિયાએ મંગળવારે જાહેરાત કરી કે તે આ મહીને એક નવી સેવા શરૂ કરનાર છે. આ સેવા હેઠળ ગ્રાહકો આવશ્યક સામાન માત્ર 15 મિનિટનમાં ઘર બેઠા મંગાવી શકે છે. એમેઝોન ઈન્ડિયાના કન્ટ્રી મેનેજર સમીર કુમારે નવી દિલ્હીમાં એક સંમેલન દરમિયાન જણાવ્યું હતું કે કંપની આ સેવાનું પરીક્ષણ કરી રહી છે, જેનું નામ Amazon Tez છે.

પહેલા અમુક શહેરોમાં શરૂ થશે સર્વિસ
સૌથી પહેલા Tez ને અમુક પસંદગીના સ્થાનો પર શરૂ કરવામાં આવશે. ત્યારબાદ આ સેવાને અન્ય જગ્યાઓ પર વધારવામાં આવશે. એમેઝોન પર Blinkit અને Zepto જેવી કંપનીઓનો ઘણું દબાણ છે. એમેઝોનને આશા છે કે 15 મિનિટની ડિલીવરીથી તે ફરીથી મજબૂત થઈ જશે.

Add Zee News as a Preferred Source

સમીર કુમારે કહ્યું કે, લોકોને ખુબ સારું લાગે છે કે જરૂરી સામાન તેમના ઘર સુધી પહોંચી જાય, તેનું કારણ છે કે તે પોતે દુકાન જાય. ક્વિક કોમર્સનો મતલબ છે કે સરળતાથી સામાન મળવો. અમે અમારી પોતાની (ઝડપી વાણિજ્ય) સેવા લાવવા જઈ રહ્યા છીએ. અમે આવશ્યક ચીજવસ્તુઓની અમારી સેવા લાવીશું જે માત્ર 15 મિનિટમાં ઉપલબ્ધ થઈ થશે. તેનું કોડનેમ Amazon Tez છે અને તે આ મહિને શરૂ થઈ રહ્યું છે.

20 લાખ લોકોને મળશે નોકરી
કુમારે એમેઝોનના એક સંમેલનમાં ભારતમાં કંપનીની યોજનાઓ વિશે વાત કરી. એક મોટી જાહેરાત ભારતમાં નવી નોકરીઓ વિશે હતી. એમેઝોને કહ્યું કે તે 2025 સુધી ભારતમાં 20 લાખ નવી નોકરીઓ પૈદા કરશે. કંપની પોતાના વેપારને વધારવા અને ડિલીવરી સેવાને હજું સારી બનાવવા માટે મોટું કદમ ઉઠાવી રહી છે.

એમેઝોને જણાવ્યું કે 2020માં ભારતમાં નવી નોકરીઓ પૈદા કરવાનો વાયદો કર્યા બાદ કંપનીએ આ પ્રોજેક્ટમાં ઘણું કામ કર્યું છે. કંપનીએ જણાવ્યું હતું કે તેણે ઈ-કોમર્સ, ડિલીવરી, ઉત્પાદન અને ટેક્નોલોજી જેવા ક્ષેત્રોમાં લગભગ 14 લાખ નોકરીઓ પૈદા કરી છે.