Relationship Tips: લાઈફ પાર્ટનરને પસંદ નથી હોતી આ આદતો, લગ્ન પછી ખુશ રહેવું હોય તો તુરંત છોડી દેજો

Relationship Tips: પતિ પત્ની લગ્ન સમયે જિંદગીભર સાથ નિભાવવાના વચનો આપે છે. પરંતુ જીવનભર સાથે રહેવું સરળ નથી હોતો. લગ્ન પછી ખુશ રહેવું હોય તો પતિ પત્ની બંનેએ કેટલીક બાબતોમાં એડજસ્ટમેન્ટ કરવું પડે છે. સાથે જ કેટલાક ફેરફાર પણ કરવા પડે છે. દરેક વ્યક્તિને કેટલીક આદતો હોય છે. આમાંથી કેટલીક આદત એવી હોય છે જે લગ્ન પછી બદલવી જ પડે છે કારણ કે આવી આદતો લાઇફ પાર્ટનર સહન કરી શકતા નથી. આજે તમને આવી પાંચ મુખ્ય આદતો વિશે જણાવીએ જે લગ્નજીવનમાં સમસ્યાનું કારણ બની શકે છે. તેથી જો ખુશ રહેવું હોય તો આ આદતોને છોડી દેવી જોઈએ. 

આ પણ વાંચો: Unhappy Marriage: લગ્નજીવન આ સ્થિતિ સુધી પહોંચી ગયું હોય તો અલગ થઈ જવામાં જ હોય ભલાઈ

હદ કરતા વધારે બુરાઈ કરવી 

ખામી દરેક વ્યક્તિમાં હોય છે પરંતુ ઘણા લોકોને દરેક વ્યક્તિની હદ કરતા વધારે બુરાઈ કરવાની આદત હોય છે. આવા લોકો જીવનસાથીને પણ છોડતા નથી અને તેમની પણ નાની-નાની વાતમાં આલોચના કરે છે. આવો સ્વભાવ જીવનસાથીને પસંદ પડતો નથી. લગ્ન પછી ખુશ રહેવું હોય તો આ આદતને તુરંત બદલી દેવી. 

આ પણ વાંચો: સ્પેશિયલ મેરેજ એક્ટ અંતર્ગત સોનાક્ષીએ ઝહીર સાથે કર્યા લગ્ન, આવા હોય છે લગ્નના નિયમો

કોમ્યુનિકેશન ગેપ 

કોમ્યુનિકેશન સ્વસ્થ સંબંધોનો પાયો હોય છે. જો તમને તમારા પાર્ટનર સાથે મુક્ત મને વાત કરવાની આદત નથી અને તમે તેની વાતોને ધ્યાને લેતા નથી તો આ આદત લગ્નજીવનને ખરાબ કરી શકે છે. જો એકબીજા સાથે વાતચીત બરાબર થતી ન હોય તો ગેરસમજ પણ વધી શકે છે અને સંબંધ નબળા પડી જાય છે. 

સમય ન આપવો 

આજના સમયમાં દરેક વ્યક્તિ પોતાના કામમાં બીજી જ હોય છે પરંતુ લગ્ન પછી લાઇફ પાર્ટનર માટે સમય ન કાઢવો તે મુશ્કેલીનું કારણ બની શકે છે. જો તમે તમારા પાર્ટનર માટે પણ સમય નથી કાઢતા તો આ આદત લગ્નજીવનને બગાડી શકે છે. તેથી સમય કાઢીને મુવી જોવાનું પ્લાન કરો, લંચ કે ડિનર માટે જાવ કે પછી સાથે ટ્રાવેલિંગ પ્લાન કરતા રહેવું. 

આ પણ વાંચો: Marriage: લગ્નથી શા માટે દૂર ભાગે છે યુવતીઓ ? જાણી લો 5 મુખ્ય કારણ

હદ કરતાં વધારે અપેક્ષાઓ 

જીવનસાથી પાસેથી અપેક્ષાઓ ઘણી બધી હોય છે પરંતુ જો હદ કરતાં વધારે અપેક્ષાઓ રાખવામાં આવે તો સંબંધો ખરાબ પણ થઈ શકે છે. યાદ રાખવું કે કોઈ પણ વ્યક્તિ પરફેક્ટ નથી હોતી તેનામાં પણ ખામીઓ અને ખુબીઓ હોય છે જેને સાથે સ્વીકારો અને અપેક્ષાઓ ઓછી રાખો. 

આ પણ વાંચો: પાર્ટનરની બોડી લેંગ્વેજ પરથી જાણો સંબંધમાં ફિઝિકલ ઈન્ટિમસીની છે જરૂર

ઈર્ષા અને શંકા 

સુખી લગ્ન જીવનના આ બે સૌથી મોટા દુશ્મન છે. જો તમને તમારા પાર્ટનર પર કારણ વિના શંકા કરવાની આદત છે અને તમને તેમના મિત્રોથી અને પરિવારજનોથી સતત ઈચ્છા થાય છે તો તમે પણ લગ્નજીવનમાં ખુશ નહીં રહી શકો. કારણ વિનાની શંકા અને ઈર્ષા સુખી લગ્ન જીવનને બરબાદ કરી શકે છે તેથી આ આદત તમને હોય તો તુરંત જ બદલી દેજો.