Vastu Tips: આજે જ તમારા ઘરમાંથી કાઢી નાખજો આ 3 વસ્તુઓ! થઇ શકે છે મોટું નુકસાન

Vastu Tips: વાસ્તુશાસ્ત્ર અનુસાર ઘરમાં રાખવામાં આવેલી દરેક વસ્તુમાં સકારાત્મક અને નકારાત્મક ઉર્જા હોય છે જે આપણા જીવનને અસર કરે છે. જ્યારે કેટલીક વસ્તુઓ જીવન પર સકારાત્મક અસર કરે છે, તો કેટલીક વસ્તુઓ જીવન પર ખરાબ અસર કરે છે. એવું માનવામાં આવે છે કે ઘરમાં જે વસ્તુઓનો લાંબા સમય સુધી ઉપયોગ થતો નથી  તેમાં રાહુ-કેતુ અને શનિનો વાસ હોય છે . જેના કારણે ઘરના સભ્યોને પણ આર્થિક સંકટનો સામનો કરવો પડે છે. ચાલો જાણીએ કે વાસ્તુ અનુસાર ઘરમાં કઈ વસ્તુઓથી બચવું જોઈએ.

કાટવાળી વસ્તુઓ
જો તમારા ઘરમાં લોખંડની જૂની વસ્તુઓ કે ઓજાર પડેલા હોય જેનો ઉપયોગ ન થઈ રહ્યો હોય તો ધીમે ધીમે તેને કાટ લાગવા લાગશે. વાસ્તુ અનુસાર ઘરમાં કાટ લાગેલા ઓજારો બિલકુલ ન રાખવા જોઈએ. તેને ઘરમાં રાખવાથી પરેશાનીઓ અને સમસ્યાઓ વધે છે. વાસ્તુ અનુસાર, આ સાધનોને કાટ લાગવાથી વધુ ખતરનાક બની જાય છે. તેથી જો તમારા ઘરમાં લોખંડની જૂની વસ્તુઓ પડી હોય તો આજે જ તેનો નિકાલ કરવો જોઈએ..

આ પણ વાંચો:
બોલિવૂડ સુપર સ્ટાર અક્ષય કુમારે UAEમાં નિર્માણાધીન BAPS હિંદુ મંદિરની લીધી મુલાકાત
જાણો એપ્રિલ મહિનાનો છેલ્લો દિવસ તમામ રાશિના જાતકો માટે કેવો રહેશે
વસ્તી વધારવા ચીનનો નવો પેતરો! બાળકો પેદા કરવા મહિલાઓ માટે લાગુ કરાયો વિચિત્ર નિયમ

સ્ટોપ વોચ
ઘરમાં ક્યારેય બંધ ઘડિયાળ ન રાખવી જોઈએ. ઘરમાં બંધ ઘડિયાળ રાખવી વાસ્તુમાં ખૂબ જ અશુભ માનવામાં આવે છે. ઘણીવાર લોકો દીવાલ પર લટકેલી ઘડિયાળને ઉતારીને ઘરના કોઈ ખૂણામાં રાખી દે છે. વાસ્તુ અનુસાર ઘરમાં બંધ ઘડિયાળ રાખવાથી ઘરના સભ્યો માટે ખરાબ સમય આવે છે. આવી સ્થિતિમાં, કાં તો આ ઘડિયાળને ઠીક કરી દિવાલ પર લટકાવી દો અથવા તેનો નિકાલ કરવું જોઈએ..

પિત્તળના વાસણ
કેટલાક લોકોને પિત્તળના જૂના વાસણો ઘરમાં રાખવાની આદત હોય છે. રોજબરોજના જીવનમાં પિત્તળના વાસણોનો ઉપયોગ ન કરવાને કારણે તે ખરાબ થવા લાગે છે. ઘણા લોકો તેમના સ્ટોર રૂમ અથવા રસોડામાં બંધ જગ્યાએ પિત્તળના જૂના વાસણો રાખે છે. એવું માનવામાં આવે છે કે પિત્તળના વાસણોને અંધારામાં રાખવાથી તેમાં શનિનો વાસ થાય છે. શનિદેવના અશુભ પ્રભાવથી વ્યક્તિના જીવનમાં ઘણી મુશ્કેલીઓ આવવા લાગે છે. 

(Disclaimer: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. ZEE24KALAK તેની પુષ્ટિ કરતું નથી.)