ટીમ ઈન્ડિયાના આ 5 સ્ટાર ખેલાડીઓ સાથે હળાહળ અન્યાય! લાયક હોવા છતાં ન મળ્યો મોકો

IND vs SL Squad: BCCIએ શ્રીલંકા સામેની T20 અને ODI શ્રેણી માટે ટીમ ઈન્ડિયાની જાહેરાત કરી દીધી છે. રોહિત શર્મા, વિરાટ કોહલી અને રવીન્દ્ર જાડેજાની નિવૃત્તિ બાદ ટી-20 ટીમમાં મોટા ફેરફારોની જરૂર છે, તેથી કેટલાક મોટા નામોને ચોક્કસપણે પડતા મૂકવામાં આવ્યા છે. ભારતીય ક્રિકેટ ટીમ 27 જુલાઈથી 30 જુલાઈ સુધી પલ્લેકેલે ઈન્ટરનેશનલ ક્રિકેટ સ્ટેડિયમમાં શ્રીલંકા સામે ત્રણ મેચની T20 શ્રેણી રમશે. ત્યાર બાદ વનડે શ્રેણીનું પણ આયોજન કરવામાં આવ્યું છે. ચાલો એવા કેટલાક મોટા નામો પર એક નજર કરીએ જેઓ શ્રીલંકામાં રમાનારી શ્રેણી માટે લાયક હોવા છતાં ભારતની T20 અથવા ODI ટીમમાં ના મળ્યું સ્થાન...

અભિષેક શર્મા-
તાજેતરની IPL સિઝનમાં શાનદાર પ્રદર્શન કર્યા પછી, અભિષેક શર્માને આખરે તેનો પહેલો ઈન્ડિયા કોલ અપ મળ્યો અને તેણે હરારેમાં સારું પ્રદર્શન કર્યું. ડેબ્યૂમાં ચાર બોલમાં શૂન્ય રને આઉટ હોવા છતાં તે વાપસી કરવામાં સફળ રહ્યો હતો. ત્યારપછીની મેચમાં તેણે માત્ર 48 બોલમાં શાનદાર સદી ફટકારી હતી. જે બાદ યશસ્વી જયસ્વાલની વાપસીના કારણે તેને 3 નંબર પર રમવું પડ્યું હતું. હવે તેને શ્રીલંકા સામેની શ્રેણી માટે પસંદ કરવામાં આવ્યો ન હતો.

ઋતુરાજ ગાયકવાડ-
ભારતના ટોપ ઓર્ડર બેટ્સમેન તરીકે રૂતુરાજ ગાયકવાડની સતત અવગણના કરવામાં આવી રહી છે. પૂણેના આ બેટ્સમેનનો T20 ફોર્મેટમાં ખૂબ જ શાનદાર રેકોર્ડ છે. તેણે 39.56ની એવરેજ અને 143.53ની સ્ટ્રાઈક રેટ સાથે કુલ 633 રન બનાવ્યા છે. તે ઝિમ્બાબ્વે પ્રવાસમાં ત્રીજા નંબરે બેટિંગ કરીને પોતાની પ્રતિભા દર્શાવવામાં પણ સફળ રહ્યો હતો, પરંતુ તેમ છતાં તેની અવગણના કરવામાં આવી હતી.

સંજુ સેમસન-
સંજુ સેમસન એક એવો ખેલાડી છે જે ટીમની અંદર અને બહાર આવતો રહે છે. ક્યારેક તેમને નોકરીમાંથી કાઢી મૂકવામાં આવે છે તો ક્યારેક પાછા બોલાવવામાં આવે છે. સેમસનને શ્રીલંકા સામેની ટી-20 સીરીઝ માટે પસંદ કરવામાં આવ્યો છે પરંતુ તેને વનડે ટીમમાં જગ્યા મળી નથી. સેમસને ગયા વર્ષે દક્ષિણ આફ્રિકા વિરૂદ્ધ વનડેમાં સદી ફટકારી હતી. જે બાદ તેની વનડેમાં પસંદગી કરવામાં આવી ન હતી.

યુઝવેન્દ્ર ચહલ-
ટી20માં ભારત માટે સૌથી વધુ વિકેટ લેનાર યુઝવેન્દ્ર ચહલની ફરી અવગણના કરવામાં આવી. તે T20 વર્લ્ડ કપની ટીમમાં હતો, પરંતુ તેને એક પણ મેચમાં રમવાની તક મળી ન હતી. હવે તેને શ્રીલંકા સામેની શ્રેણી માટે પસંદ કરવામાં આવ્યો ન હતો. ચહલના નામે 80 મેચમાં 96 વિકેટ છે.

મુકેશ કુમાર-
તાજેતરના ઝિમ્બાબ્વે પ્રવાસ દરમિયાન જમણા હાથના ફાસ્ટ બોલર મુકેશ કુમારનું પ્રદર્શન ઘણું સારું રહ્યું હતું. તેણે હરારેમાં રમાયેલી ત્રણ મેચમાં કુલ આઠ વિકેટ ઝડપી હતી. આમ છતાં તેને ટીમમાં પસંદ કરવામાં આવ્યો ન હતો. ખલીલ અહેમદ જેવા ખેલાડીઓની વાપસીને કારણે તેને ટીમમાં સ્થાન મળ્યું નથી.