ધોનીએ કર્યું હતું ભારત બંધનું સમર્થન ? જાણો વાઇરલ તસવીરની હકીકત

નવી દિલ્હી : પેટ્રોલ અને ડીઝલની વધેલી કિંમત વિરૂદ્ધ કોંગ્રેસે સોમવારે 'ભારત બંધ'નું એલાન કર્યું હતું. આ બંધને અનેક રાજકીય દળોએ સમર્થન આપ્યું હતું. આ સંજોગોમાં ક્રિકેટ ટીમના પૂર્વ કેપ્ટન મહેન્દ્ર સિંહ ધોનીની પત્ની સાક્ષી સાથેની એક તસવીર સોશિયલ મીડિયા પર વાઇરલ થઈ રહી છે. આ તસવીરમાં ધોની અને સાક્ષી સાથે બેસેલા દેખાય છે. આ વાઇરલ તસવીરમાં દાવો કરવામાં આવે છે કે ધોનીએ 'ભારત બંધ'માં હિસ્સો લીધો હતો.  

जब से #पेट्रोल महँगा हुआ है मोदी राज में, मैने #हेलीकॉप्टर शॉट खेलना छोड़ दिया"
-  @msdhoni
भारत बंध में हिस्सा लेते हुए जनता से हुए रूबरू #BharatBandh pic.twitter.com/SQdBZEF57X

— Naushad Ahmad (@NaushafAhmad) September 10, 2018

આ તસવીર શેયર કરનાર યુઝર્સના દાવા પ્રમાણે આ તસવીર ભારત બંધ વખતની છે. જોકે હકીકત એ છે કે ધોનીની આ તસવીર 29 ઓગસ્ટની છે. આ સમયે ધોની પરિવાર સાથે શિમલા ગયો હતો અને એ સમયે તેણે પેટ્રોલ પંપ પર થોડો સમય સાથે ગાળ્યો હતો. એ સમયે કેટલાક સ્થાનિક લોકોએ ધોનીની તસવીર લીધી હતી. હવે આ તસવીર જ સોશિયલ મીડિયામાં વાઇરલ થઈ રહી છે.

આમ, ધોનીની આ તસવીર તો સાચી છે પણ એની સાથેનો મેસેજ સાવ ખોટો છે કારણ કે ધોનીએ ભારત બંધના કોઈ આંદોલનમાં ભાગ નહોતો લીધો.