World Cup 2019: 16 જૂને ભારત VS પાકિસ્તાન, જાણો વિશ્વ કપનો સંપૂર્ણ કાર્યક્રમ

નવી દિલ્હીઃ ઈંગ્લેન્ડમાં 30 મેથી શરૂ થઈ રહેલા વનડે વિશ્વ કપ માટે સોમવારે 15 સભ્યોવાળી ટીમ ઈન્ડિયાની જાહેરાત કરી દેવામાં આવી છે. 30 મેથી 14 જુલાઈ વચ્ચે રમાનારી આ ટૂર્નામેન્ટનો પ્રથમ મુકાબલો 30 મેએ ઈંગ્લેન્ડ અને દક્ષિણ આફ્રિકા વચ્ચે રમાશે. આ મેચ ઓવલમાં રમાવાનો છે. આ વિશ્વ કપમાં કુલ 10 ટીમો ભાગ લઈ રહી છે. ભારત પોતાના અભિયાનની શરૂઆત 5 જૂનથી કરશે. તેનો પ્રથમ મુકાબલો આફ્રિકા સામે સાઉથમ્પટનમાં થશે. તો 16 જૂને ટીમ ઈન્ડિયા કટ્ટર હરિફ પાકિસ્તાન સામે ટકરાશે. 

ભારત 5 જૂનથી શરૂ કરશે અભિયાન
1983 અને 2011ની ચેમ્પિયન ટીમ ઈન્ડિયા 2019 વિશ્વ કપમાં પાંચ જૂને દક્ષિણ આફ્રિકા સામે રમને પોતાના અભિયાનની શરૂઆત કરશે અને પોતાના નવ રાઉન્ડ રોબિન લીગ મેચોમાં છ અલગ-અલગ સ્થળ પર રમશે. ભારતીય ટીમ સાઉથેમ્પ્ટન (આફ્રિકા, અફગાનિસ્તાન), બર્મિંઘમ (ઈંગ્લેન્ડ અને બાંગ્લાદેશ) માનચેસ્ટર (પાકિસ્તાન અને વેસ્ટ ઈન્ડિઝ)માં બે-બે મેચ જ્યારે ઓવલ (ઓસ્ટ્રેલિયા), નોટિંઘમ (ન્યૂઝીલેન્ડ) અને લીડ્સ (શ્રીલંકા)માં એક-એક મેચ રમશે. 

16 જૂને ટકરાશે ભારત-પાક
કટ્ટર હરિફ ભારત અને પાકિસ્તાન વચ્ચે 16 જૂને માનચેસ્ટરમાં મેચ રમાશે. આઈસીસી ચેમ્પિયન્સ ટ્રોફી-2017ના ફાઇનલમાં પાકિસ્તાન વિરુદ્ધ પરાજય મેળવ્યા બાદ 2 વર્ષ પછી ભારતની પાસે પાકિસ્તાન વિરુદ્ધ બદલો લેવાની તક હશે. વર્ષ 2015ની સેમીફાઇનલિસ્ટ ટીમ ઈન્ડિયા આ વખતે વિરાટની આગેવાનીમાં વિશ્વ કપ રમશે. 

અહીં રમાશે મેચ
2019 વિશ્વ કપના તમામ મેચ યૂકેના અલગ-અલગ શહેરોમાં રમાશે. તમામ મેચ ઈંગ્લેન્ડના 11 શહેરોમાં યોજાશે, જેમાં સામેલ છે- લોર્ડ્સ, ઓવલ, એઝબેસ્ટન, ટ્રેન્ટ બ્રિઝ, ટોન્ટન, હૈંડિગ્લે, ઓલ્ટ ટ્રૈફોર્ડ, બ્રિસ્ટલ, સાઉથૈમ્પ્ટન, કાર્ડિફ અને ચેસ્ટર-લી-સ્ટ્રીટ. વિશ્વ કપનો પ્રથમ મેચ 30 મેએ લંડનના ધ ઓવરમાં યજમાન ઈંગ્લેન્ડ અને દક્ષિણ આફ્રિકા વચ્ચે રમાશે. 

7 મેચ ડે-નાઇટ રમાશે
સંપૂર્ણ ટૂર્નામેન્ટ દરમિયાન કુલ મળીને 7 મેચ ડે-નાઇટ હશે, જેનો પ્રથમ મેચ 2 જૂને બ્રિસ્ટલમાં ઓસ્ટ્રેલિયા અને અફગાનિસ્તાન વચ્ચે રમાશે. રાઉન્ડ રોબિન સ્ટેજનો અંત 6 જુલાઈએ થશે. ત્યારબાદ 9 જુલાઈથી સેમીફાઇનલ મુકાબલા રમાશે. 

વિશ્વ કપ 2019માં ટીમ ઈન્ડિયાનો કાર્યક્રમ

1. ભારત vs સાઉથ આફ્રિકા, સાઉથેમ્પ્ટન - 5 જૂન

2. ભારત vs ઓસ્ટ્રેલિયા, ધ ઓવલ - 9 જૂન

3. ભારત vs ન્યૂઝીલેન્ડ, ટ્રેન્ટ બ્રિજ - 13 જૂન

4. ભારત vs પાકિસ્તાન, ઓલ્ડ ટ્રૈફોર્ડ - 16 જૂન

5. ભારત vs અફગાનિસ્તાન, સાઉથેમ્પ્ટન - 22 જૂન

6 ભારત vs વેસ્ટ ઈન્ડિઝ, ઓલ્ડ ટ્રૈફોર્ડ - 27 જૂન

7. ભારત vs ઈંગ્લેન્ડ, એઝબેસ્ટન - 30 જૂન

8. ભારત vs બાંગ્લાદેશ, એઝબેસ્ટન - 2 જુલાઈ

9. ભારત vs શ્રીલંકા, લીડ્સ - 6 જુલાઈ