WTC Final 2023: ભારતનો પ્રથમ દાવ સમેટાયો, AUSને 173 રનની મોટી લીડ મળી

India vs Australia, ICC WTC Final 2023 Live Updates: ઓવલ ખાતે ભારત સામેની વર્લ્ડ ટેસ્ટ ચેમ્પિયનશિપ ફાઇનલમાં ઓસ્ટ્રેલિયાએ પોતાનો દબદબો જાળવી રાખ્યો છે. ઓસ્ટ્રેલિયાએ પ્રથમ દાવમાં ટ્રેવિસ હેડના 163 અને સ્ટીવ સ્મિથના 121 રન તેમજ એલેક્સ કેરીના 48 રનની મદદથી 469 રન બનાવ્યા હતા, જ્યારે ભારત 296 રનમાં ઓલઆઉટ થઈ ગયું છે. ઓસ્ટ્રેલિયાને 173 રનની બઢત મળી છે. છેલ્લે છેલ્લે રહાણે અને શાર્દુલ ઠાકરે બાજી સંભાળતાં ભારત કારમી નાલેશીથી બચી ગયું છે જોકે, હજુ ઓસ્ટ્રેલિયાનુ પલડું ભારે બની ગયું છે. 

લંડનના કેનિંગ્ટન ઓવલ મેદાનમાં રમાયેલી આ મેચમાં ઓસ્ટ્રેલિયાની કેપ્ટનશીપ કરી રહેલા પેટ કમિન્સે પોતાની ટીમને નુક્સાન કરાવ્યું છે. તેણે એક નહીં પણ 2-2 નો બોલ એવી રીતે ફેંક્યા કે તેને વિકેટ મળી, પરંતુ રિવ્યુમાં વાસ્તવિકતા સામે આવતા જ બધા ચોંકી ગયા. જ્યાં ભારતીય કેમ્પમાં ખુશીની લહેર જોવા મળી હતી ત્યાં ઓસ્ટ્રેલિયાના ખેલાડીઓ નિરાશ થયા હતા. કમિન્સ પાસે ઘણો અનુભવ છે અને તે ટાઇટલ મેચમાં આવી ભૂલ કરી રહ્યો છે, જેની અપેક્ષા નહોતી. જો આમ થશે તો સ્વાભાવિક છે કે ઓસ્ટ્રેલિયા માટે મેચમાં ટકી રહેવું મુશ્કેલ બની જશે.

આ 2 બોલે ખરાબ કામ કર્યું
પેસર પેટ કમિન્સે પહેલા અજિંક્ય રહાણેને આઉટ કર્યો હતો પરંતુ રિવ્યુમાં તેને નો બોલ જાહેર થયો હતો. આ પછી, મેચના ત્રીજા દિવસે ઇનિંગ્સની 60મી ઓવરમાં આ બન્યું. કમિન્સે ચોથા બોલ પર શાર્દુલ ઠાકુરને એલબીડબ્લ્યુ આઉટ કર્યો, પરંતુ રિવ્યુ લેતાં કમિન્સનો પગ લાઇનની બહાર હતો. આવી સ્થિતિમાં શાર્દુલ ઠાકુરને જીવનદાન મળ્યું. આ પહેલા બીજા દિવસે ભારતીય ઇનિંગ્સની 22મી ઓવરમાં રહાણેને જીવન મળ્યું, જ્યારે કમિન્સે નો-બોલ ફેંક્યો. જો આ બંને બોલ માન્ય હોત તો ઓસ્ટ્રેલિયાને 2 વિકેટ મળી શકી હોત. આવી સ્થિતિમાં તેમની જીતની આશા પણ વધી જશે.

ઓસ્ટ્રેલિયાનો દાવ 469 રન પર સમેટાયો હતો
આ પહેલા ટીમ ઈન્ડિયાના કેપ્ટન રોહિત શર્માએ ટોસ જીતીને પહેલા ફિલ્ડિંગ કરવાનો નિર્ણય કર્યો હતો. ઓસ્ટ્રેલિયાએ તેના પ્રથમ દાવમાં 469 રન બનાવ્યા હતા, જેમાં ટ્રેવિસ હેડ (163) અને અનુભવી બેટ્સમેન સ્ટીવ સ્મિથ (121)ની સદીનું મહત્વનું યોગદાન હતું. હેડે 174 બોલમાં 25 ચોગ્ગા અને એક છગ્ગો ફટકાર્યો હતો. સ્મિથે 268 બોલમાં 19 ચોગ્ગાની મદદથી 121 રન બનાવ્યા હતા. ટીમ ઈન્ડિયાના ફાસ્ટ બોલર મોહમ્મદ સિરાજે 4 જ્યારે મોહમ્મદ શમી અને શાર્દુલ ઠાકુરે 2-2 વિકેટ ઝડપી હતી.