VIDEO: પંત આઉટ થતાં લાલધૂમ થયો કોહલી, શાસ્ત્રી પાસે જઈને કાઢ્યો ગુસ્સો

નવી દિલ્હીઃ ભારતીય ટીમના યુવા ખેલાડી રિષભ પંત પાસે બુધવારે હીરો બનવાની તક હતી. માન્ચેસ્ટરના ઓલ્ડ ટ્રેફર્ડ મેદાન પર રમાયેલી આઈસીસી વિશ્વ કપ-2019ની પ્રથમ સેમિફાઇનલ મેચમાં ન્યૂઝીલેન્ડે જ્યારે ભારતની ચાર વિકેટ 24 રન પર પાડી દીધી હતી ત્યારે હાર્દિક પંડ્યાની સાથે પંતે 47 રન જોડ્યા પરંતુ ખોટો શોટ રમીને આઉટ થઈ ગયો હતો. અંતિમ-4નો આ રોમાંચક મુકાબલો ભારતીય ટીમે 18 રને ગુમાવી દીધો હતો. 

હકીકતમાં પંડ્યા અને પંત સારી બેટિંગ કરી રહ્યાં હતા પરંતુ પંત માટે મિશેલ સેન્ટનરે જે જાળ બિછાવી તેમાં પંત ફસાય ગયો અને ખોટો શોટ રમીને આઉટ થયો હતો. 

પંત આઉટ થતાં જ કેપ્ટન કોહલી નારાજ થયો અને ગુસ્સામાં બાલકનીમાં બેઠેલા કોચ રવિ શાસ્ત્રીની પાસે પહોંચ્યો હતો. જુઓ વીડિયો... 

Virat Kohli unleashes his anger at Ravi Shastri when Pant got out as Shastri promoted Pant up the order against the likes of Dinesh Karthik and MS Dhoni.#CWC19 #INDvNZL pic.twitter.com/W5zaSVNrFn

— Rehan M. R. Arshad (@RehanToday) July 10, 2019

પંતથી નાખુશ!
મીડિયા રિપોર્ટ્સ પ્રમાણે, કોહલીએ શાસ્ત્રીની સામે પંતની બેજવાબદારીને લઈને ગુસ્સો કાઢ્યો હતો. તો ખબર તે પણ છે કે ઈજાગ્રસ્ત શિખર ધવન બહાર થયા બાદ કોહલીએ શ્રેયસ અય્યર જેવા અનુભવી ખેલાડીને વિશ્વકપની ટીમમાં સામેલ કરવાનું સૂચન આપ્યું હતું. પરંતુ શાસ્ત્રીએ યુવા બેટ્સમેન રિષભ પંત પર વિશ્વાસ વ્યક્ત કર્યો હતો. જ્યારે પંત સેમિફાઇનલમાં જવાબદારીપૂર્વક રમવામાં નિષ્ફળ રહ્યો હતો. 

#Dhoni was waiting for his turn!
Pant
Pandya
DK
After falling of Pant's Wicket #Kohli went straight to #RaviShastri!#MSDhoni was still waiting 4 his turn! Unbearable to C the batting order even in such a crucial match.#CWC19 #CWC2019 #WorldCup2019 #INDvNZ #NZvInd #TeamIndia pic.twitter.com/7BSvYzX8WH

— BlueCap 🇮🇳 (@IndianzCricket) July 10, 2019

મેચ બાદ કર્યો બચાવ
મેચ બાદ કેપ્ટન વિરાટ કોહલીએ પંતનો બચાવ કરતા કહ્યું કે, તે સમયની સાથે શીખી જશે. તેણે કહ્યું, 'તે સ્વાભાવિક ખેલાડી છે અને તેણે ખરાબ સ્થિતિમાંથી બહાર આવવા માટે સારૂ કામ કર્યું છે અને પંડ્યાની સાથે ભાગીદારી કરી. મને લાગે છે કે ત્રણ-ચાર વિકેટ ગુમાવ્યા બાદ તે જે પ્રકારે રમ્યો તે સારૂ હતું, તે હજુ યુવા છે. હું પણ જ્યારે યુવા હતો ત્યારે મેં પણ ઘણી ભૂલો કરી હતી, પરંતુ શીખ્યો, તે પણ શીખશે.'

કોહલીએ શાસ્ત્રીને શું કહ્યું
કોહલીને જ્યારે પૂછવામાં આવ્યું કે, તે ડ્રેસિંગ રૂમમાં શાસ્ત્રીની સાથે શું ચર્ચા કરી રહ્યો હતો? તો તેના પર ભારતીય કેપ્ટને કહ્યું, મેં પૂછ્યું કે આ સ્થિતિમાં આગળ જવાની શું રણનીતિ છે અને મેદાનની અંદર શું સંદેશ મોકલવો છે જેથી આપણે જોઈ શકીએ કે મેચ ક્યાં જઈ રહી છે.