દ્રવિડ યુગમાં કોહલીની શું ભૂમિકા, રોહિત શર્માએ આપ્યો જવાબ

જયપુરઃ ભારતના નવા ટી20 કેપ્ટન રોહિત શર્મા ટીમના નવા માળખામાં બેટરના રૂપમાં વિરાટ કોહલીની ભૂમિકામાં કોઈ પરિવર્તન જોતો નથી અને તેને આશા છે કે કોહલી આગળ પણ શાનદાર ઈનિંગ રમતો રહેશે. કોહલીએ ટી20 વિશ્વકપ બાદ આ ફોર્મેટમાં કેપ્ટનશિપ છોડી દીધી છે અને બુધવારે ન્યૂઝીલેન્ડ વિરુદ્ધ પ્રથમ ટી20 મેચથી રોહિત આ ફોર્મેટમાં પૂર્ણકાલિન કેપ્ટન હશે. 

કોહલીની ભૂમિકા વિશે પૂછવા પર રોહિતે કહ્યુ- આ એકદમ સરળ છે. તે અત્યાર સુધી જે કરી રહ્યો હતો, ટીમમાં તેની ભૂમિકા તે રહેશે. તેણે કહ્યું- તે ટીમ માટે ખુબ મહત્વપૂર્ણ ખેલાડી છે અને જ્યારે પણ તે રમે છે તેનો પ્રભાવ છોડે છે. ટીમના દ્રષ્ટિકોણથી તે મહત્વપૂર્ણ ખેલાડી છે અને જ્યારે તમે દરેક મેચ રમો છો તો ભૂમિકાઓ બદલી જાય છે.

🎥 Head Coach Rahul Dravid rekindles his first meeting with a young @ImRo45 & lauds the #TeamIndia T20I captain for his contribution towards the Indian cricket. 👏 ☺️#INDvNZ pic.twitter.com/croLaIElLu

— BCCI (@BCCI) November 16, 2021

તેણે કહ્યું કે મેચની પરિસ્થિતિ અનુસાર દરેક ખેલાડીની ભૂમિકા બદલાય છે અને કોહલી સહિત તમામ ખેલાડીઓ તેના માટે તૈયાર છે. “જ્યારે તમે પહેલા બેટિંગ કરો છો ત્યારે ભૂમિકા તમે પાછળથી બેટિંગ કરો છો તેના કરતા અલગ હશે. મેચ અનુસાર, દરેકની ભૂમિકા બદલાય છે અને દરેક તેના માટે તૈયાર છે. 'જ્યારે વિરાટ વાપસી કરશે ત્યારે અમારી ટીમ વધુ મજબૂત થશે કારણ કે તેની પાસે ઘણો અનુભવ છે અને તે આટલો મહાન બેટર છે.'

આ પણ વાંચોઃ ખેલાડી મશીન નથી, વર્કલોડ મેનેજમેન્ટ જરૂરી, નવા કોચ રાહુલ દ્રવિડનું મોટું નિવેદન