નડાલ ફરી બન્યો વર્લ્ડ નંબર વન, 8મી વખત જીત્યો રોમ માસ્ટર્સનું ટાઇટલ

રોમઃ રાફેલ  નડાલે રોમ માસ્ટર્સ ટેનિસ ટૂર્નામેન્ટનું ટાઇટલ પોતાના નામે કરી લીધું છે. તે આઠમી વખત આ ટૂર્નામેન્ટમાં ચેમ્પિયન બન્યો છે. નડાલે ફાઇનલમાં એલેક્જેન્ડર જ્વેરેવને 6-1, 1-6, 6-3થી પરાજય આપ્યો. આ સાથે તે ફરી એકવાર વર્લ્ડ નંબર-1 ટેનિસ ખેલાડી બની ગયો છે. 

સ્પેનિશ સ્ટાર નડાલે પ્રથમ સેટ સરળતાથી જીતી લીધો, પરંતુ ગત ચેમ્પિયન જર્મનીના જ્વેરેવે ત્યારબાદ આગામી 11માંથી 9 ગેમ બીજીને બીજો સેટ પોતાના નામે કરી લીધો. નિર્ણાયક સેટમાં એક સમયે જ્વેરેવ 3-1થી આગળ ચાલી રહ્યો હતો. 

Hello, otto 😍@RafaelNadal picks up his 🏆 at #ibi18 pic.twitter.com/SfvGztX2SW

— Tennis TV (@TennisTV) May 20, 2018

ત્યારબાદ વરસાદને કારણે મેચ ઘણા સમય સુધી બંધ રહ્યો. નડાલે મેચ શરૂ થયા બાદ જ્વેરેવને કોઈ ચાન્સ ન આપ્યો અને સતત પાંચ અંક જીતીને ટાઇટલ પોતાના નામે કરી લીધું. 

ફ્રેન્ચ ઓપન પહેલા નડાલ માટે આ જીત મહત્વપૂર્ણ છે. આ સાથે તે ફરી વિશ્વનો નંબર વન ખેલાડી બની ગયો છે. ગત સપ્તાહે નડાલે મૈડ્રિડ માસ્ટર્સમાં ડોમિનિક થિમેય સામે હાર્યા બાદ રોજજ ફેડરર નંબર વન બની ગયો હતો. 
નડાલે આ રીતે ક્લે કોર્ટ પર રમાયેલી છેલ્લા ચાર ટૂર્નામેન્ટમાંથી ત્રણમાં જીત મેળવી છે. હવે તે ફ્રેન્ચ ઓપનમાં 11માં ટાઇટલ માટે પોતાની દાવેદારી રજૂ કરશે.