ન્યૂઝીલેન્ડના મૂળ ગૂજરાતી સ્પિનરે રચ્યો ઇતિહાસ, 'પરફેક્ટ 10'માં સામેલ થઈ આ દિગ્ગજને પાછળ છોડ્યા

ઓકલેન્ડ: ન્યૂઝીલેન્ડના સ્પિનર અજાઝ પટેલ (Ajaz Patel) એ મુંબઇ ટેસ્ટમાં 'પરફેક્ટ 10' માં સામેલ થઈ ઇતિહાસ રચ્યો છે. તેણે ભારતના અનિલ કુંબલે (Anil Kumble) અને ઇંગ્લેન્ડના જિમ લેકર (Jim Laker) ની બરાબરી કરી છે. આ ખાસ કરિશ્મા બાદ એજાઝના સુપર સિનિયરે તેને અભિનંદન પાઠવ્યા છે.

સર રિચર્ડ હેડલીએ પાઠવ્યા અભિનંદન
ન્યૂઝીલેન્ડના પૂર્વ દિગ્ગજ ફાસ્ટ બોલર સર રિચર્ડ હેડલી (Sir Richard Hadlee) એ ભારતીય મૂળના સ્પિનરને અભિનંદન પાઠવતા કહ્યું કે, અજાઝ પટેલ (Ajaz Patel) ના ઇનિંગમાં 10 વિકેટ લેવાનું પરાક્રમ ના માત્ર આ બોલર માટે પરંતુ ન્યૂઝીલેન્ડ અને વર્લ્ડ ક્રિકેટ માટે પણ ખાસ ક્ષણ છે.

'પરફેક્ટ 10' માં સામેલ એજાઝ
એજાઝ પટેલ (Ajaz Patel) એ ભારત સામે મુંબઇમાં બીજી ટેસ્ટ મેચની પહેલી ઇનિંગમાં તમામ 10 વિકેટ હાંસલ કરી છે. ત જિમ લેકર (Jim Laker) અને અનિલ કુંબલે (Anil Kumble) બાદ આ ખાસ સ્થાન હાંસલ કરનારો દુનિયાનો ત્રીજો બોલર બની ગયો છે.

🔹 Jim Laker
🔹 Anil Kumble
🔹 Ajaz Patel

Remember the names! #WTC23 | #INDvNZ | https://t.co/EdvFj8yST5 pic.twitter.com/xDVImIifM6

— ICC (@ICC) December 4, 2021

સર રિચર્ડ હેડલીનો તૂટ્યો રેકોર્ડ
33 વર્ષના એજાઝ પટેલ (Ajaz Patel) એ ન્યૂઝીલેન્ડ તરફથી એક ઇનિંગમાં બેસ્ટ બોલિંગ ફિગર મામલે સર રિચર્ડ હેડલીનો રેકોર્ડ પણ તોડ્યો છે. હેડલી (Sir Richard Hadlee) એ 1985 માં ઓસ્ટ્રેલિયા સામે 52 રન આપી 9 વિકેટ લીધી હતી.

એજાઝને સર હેડલીની સલામ
સર રિચર્ડ હેડલી (Sir Richard Hadlee) એ નિવેદનમાં કહ્યું, એજાઝને શાનદાર બોલિંગ પ્રદર્શન માટે અભિનંદન. તે જોઈને ખુશી થાય છે. તે તેનો હકદાર હતો. આ તેના, ન્યૂઝીલેન્ડ ક્રિકેટ અને વર્લ્ડ ક્રિકેટ માટે ખાસ ક્ષણ છે. જિમ લેકર અને અનિલ કુંબલેના સ્પેશિયલ ક્લબમાં સામેલ થવું ખરેખરમાં ખાસ છે.