રેસલર ગીતા ફોગાટે પુત્રને આપ્યો જન્મ, સોશિયલ મીડિયા પર તસવીર વાયરલ

નવી દિલ્હીઃ દિગ્ગજ મહિલા રેસલર અને કોમનુવેલ્થ ગેમ્સ-2010ની ગોલ્ડ મેડલિસ્ટ ગીતા ફોગાટ મંગળવારે માતા બની ગઈ અને તેના ઘરે પુત્રનો જન્મ થયો છે. તેણે ટ્વીટર પર એક ફોટો પોસ્ટ કર્યો જેમાં તેનું બાળક અને પતિ પવન કુમાર જોવા મળી રહ્યાં છે. 

ગીતાએ ફોટોની સાથે લખ્યું, 'હેલ્લો બોય, દુનિયામાં તમારૂ સ્વાગત છે. તે અહીં છે, અને ખુબ સારૂ અનુભવી રહ્યો છે. તમારો પ્રેમ અને આશીર્વાદ આપો. હવે તેણે અમારી જિંદગી પરફેક્ટ બનાવી દીધી છે. મારા બાળકને જન્મ લેતો જોવાનો અહેસાસ કોઈપણ માધ્યમથી વ્યક્ત ન કરી શકાય.'

HELLO BOY !! WELCOME TO THE WORLD 🥰🤗 He is here 🤗 we are so much in love ❤️ 👶🏻 please give him your love and blessings 🙏😇 he made our life perfect now 🙏👪
Nothing can be described the feelings of watching your own baby be born 😍

Date - 24-12-2019 pic.twitter.com/9KAc3Ew15c

— geeta phogat (@geeta_phogat) December 24, 2019

પૂર્વ રેસલર મહાવીર સિંગ ફોગાટની મોટી પુત્રી ગીતાએ 3 વર્ષ પહેલા 20 નવેમ્બરે રેસલર પવન કુમાર સાથે લગ્ન કર્યાં છે. તેણે 2010મા દિલ્હીમાં રમાયેલી કોમનવેલ્થ ગેમ્સમાં ગોલ્ડ મેડલ જીત્યો હતો. આ સિવાય તેણે કોમનવેલ્થ ચેમ્પિયનશિપ (2009 જાલંધર અને 2011 મેલબોર્ન)મા પણ ગોલ્ડ મેડલ જીત્યો છે. 

હરિયાણાની 31 વર્ષીય ગીતા અને તેની નાની બહેન બબીતા ફોગાટના જીવન પર આધારિત દંગલ ફિલ્મ બની છે. આ ફિલ્મમાં તેના પિતા મહાવીરની ભૂમિકા આમિર ખાને ભજવી હતી.