WTC Final: પાંચમાં દિવસે Jasprit Bumrah એ કરી મોટી ભૂલ, અચાનક મેદાનની બહાર ભાગવુ પડ્યું

નવી દિલ્હીઃ ભારત અને ન્યૂઝીલેન્ડ વચ્ચે World Test Championship (WTC) ની ફાઇનલ મેચ રમાઈ રહી છે. મેચના પાંચમાં દિવસનું પ્રથમ સત્ર પૂરુ થઈ ગયું છે. પ્રથમ સત્રમાં ભારતીય ટીમે ત્રણ વિકેટ ઝડપી છે. લંચ સમયે કીવી ટીમનો સ્કોર 135/5 છે. ચોથા દિવસે વરસાદને કારણે દિવસ ધોવાયો હતો. પાંચમાં દિવસે પ્રથમ ઓવર ફેંકવા બુમરાહ આવ્યો હતો. 

બુમરાહથી થઈ ભૂલ
WTC ફાઇનલના પાંચમાં દિવસે જસપ્રીત બુમરાહ (Jasprit Bumrah) થી એક ભૂલ થી. બુમરાહ મેદાન પર ભૂલમાં WTC  ફાઇનલની જર્સી પહેરવાની જગ્યાએ ટીમની જૂની જર્સી પહેરીને આવી ગયો. બુમરાહે આ જર્સી પહેરી પ્રથમ ઓવર પણ ફેંકી અને બાદમાં તે જલદીથી દોડીને ડ્રેસિંગ રૂમમાં પહોંચ્યો અને પોતાની જર્સી બદલીને મેદાન પર આવ્યો હતો. 

Bumrah running back to dressing room to change the jersey after the first over. #INDvNZ pic.twitter.com/IsJo04UO83

— Johns. (@CricCrazyJohns) June 22, 2021

Jasprit Bumrah is wearing the regular Indian Test jersey instead of WTC jersey today. pic.twitter.com/gFPSbtcqSn

— Mufaddal Vohra (@mufaddal_vohra) June 22, 2021

વાયરલ થયો ફોટો
બુમરાહની જૂની જર્સીનો ફોટો સોશિયલ મીડિયામાં વાયરલ થયો છે. બુમરાહ આ ભૂલને કારણે સોશિયલ મીડિયામાં ચર્ચામાં આવી ગયો છે. મેદાન પર આવી ઘટના ખુબ ઓછી જોવા મળે છે અને બુમરાહની આ ભૂલ પર લોકો મજા લઈ રહ્યાં છે. 

આ પણ વાંચોઃ ક્રિકેટ ઈતિહાસની સૌથી શરમજનક બેટિંગ! 2 રન પર ઓલઆઉટ થઈ ગઈ ટીમ

પાંચમાં દિવસે ભારતના બોલરોનું શાનદાર પ્રદર્શન
આઈસીસી વર્લ્ડ ટેસ્ટ ચેમ્પિયનશિપના પાંચમાં દિવસે લંચ સમયે ન્યૂઝીલેન્ડે 5 વિકેટ ગુમાવી 135 રન બનાવ્યા છે. ન્યૂઝીલેન્ડે આ સત્રમાં 3 વિકેટ ગુમાવી છે અને માત્ર 34 રન બનાવ્યા છે. ભારત તરફથી શમીએ બે, ઈશાંત શર્માએ બે અને અશ્વિને એક વિકેટ ઝડપી છે. કેન વિલિયમસન 19 અને કોલિન ડિ ગ્રાન્ડહોમ 0 રન બનાવી ક્રીઝ પર છે.