7 Seater Car: લોકોને ખુબ પસંદ આવી રહી છે આ 7 સીટર કાર, કિંમત માત્ર 5.27 લાખ રૂપિયા

Car Sales In May 2023: મારુતિ સુઝુકી બલેનો મે મહિનામાં દેશમાં સૌથી વધુ વેચાતી કાર રહી છે. મારુતિ સ્વિફ્ટ બીજા અને વેગનઆર ત્રીજા સ્થાને છે. હેચબેક અને એસયુવી ઉપરાંત 7 સીટર કાર પણ દેશની સૌથી વધુ વેચાતી કારમાં સામેલ છે જેમા મારુતિ અર્ટિગા લાંબા સમયથી સૌથી વધુ વેચાતી રહી છે. જો કે, મે મહિનામાં, એક સસ્તી 7 સીટર કારે એર્ટિગાને પાછળ છોડી દીધી અને સૌથી વધુ વેચાતી કાર બની. આ કારની કિંમત 5.5 લાખ રૂપિયાથી પણ ઓછી છે. અહીં આ સૌથી વધુ વેચાતી 7 સીટર કાર પર એક નજર છે:

મારુતિ સુઝુકી Eeco મે મહિનામાં દેશમાં સૌથી વધુ વેચાતી 7 સીટર કાર રહી છે. છેલ્લા મહિનામાં તેના 12,800 યુનિટ વેચાયા છે. એકંદર કારના વેચાણમાં તેને 7મું સ્થાન મળ્યું છે. બીજી સૌથી વધુ વેચાતી 7 સીટર કાર મારુતિ અર્ટિગા રહી છે. મે મહિનામાં તેના 10,500 યુનિટ વેચાયા છે. તમને જણાવી દઈએ કે મારુતિ Eecoની કિંમત 5.27 લાખ રૂપિયાથી શરૂ થાય છે. તેમાં 6 અને 7 સીટર ઓપ્શન મળે છે.

મારુતિ સુઝુકી Eeco 1.2L K-Series ડ્યુઅલ જેટ, ડ્યુઅલ VVT એન્જિન દ્વારા સંચાલિત છે, જે 80.76 PS પાવર અને 104.4 Nm પીક ટોર્ક ઉત્પન્ન કરે છે. નવી પાવરટ્રેન અગાઉના મોડલ કરતાં 10% વધુ પાવર ઉત્પન્ન કરે છે. આ સાથે CNG વિકલ્પ પણ ઉપલબ્ધ છે. CNG સાથે, એન્જિન 71.65 PS પાવર અને 95 Nm ટોર્ક ઉત્પન્ન કરે છે. 

મે 2023માં સૌથી વધુ વેચાતી 10 કાર
મારુતિ સુઝુકી બલેનો - 18,700 યુનિટ
મારુતિ સુઝુકી સ્વિફ્ટ - 17,300 યુનિટ
મારુતિ સુઝુકી વેગનઆર - 16,300 યુનિટ
હ્યુન્ડાઇ ક્રેટા - 14,449 યુનિટ
ટાટા નેક્સોન - 14,423 યુનિટ
મારુતિ સુઝુકી બ્રેઝા - 13,398 યુનિટ
મારુતિ સુઝુકી Eeco - 12,800 યુનિટ
મારુતિ સુઝુકી ડિઝાયર - 11,300 યુનિટ
ટાટા પંચ - 11,100 યુનિટ
મારુતિ સુઝુકી અર્ટિગા - 10,500 યુનિટ્સ