Electric Motorcycle: 2 કલાક ચાર્જમાં 187KM ચાલશે આ ઈલેક્ટ્રિક બાઈક, જાણો ફીચર્સ અને કિંમત

Oben Rorr electric Bike: બજારમાં ઇલેક્ટ્રિક સ્કૂટર માટે ઘણા બધા વિકલ્પો છે ત્યારે હવે બજારમાં ટક્કર આપવા ઇલેક્ટ્રિક બાઇક્સ પણ આવી ચુકી છે. તાજેતરમાં, ઓબેન, બેંગલુરુ સ્થિત ઇલેક્ટ્રિક ટુ વ્હીલર કંપનીએ એક એવી બાઇક લોન્ચ કરી છે જે ખૂબ જ ઓછા સમયમાં સંપૂર્ણ ચાર્જ થઈ જાય છે અને બેસ્ટ રેન્જ ઓફર કરે છે. આ બાઇકની ડિલિવરી જુલાઈ 2023થી શરૂ થવા જઈ રહી છે. આ બાઇક Oben Rorr છે. આ બાઇકની એક્સ-શોરૂમ કિંમત 1.49 લાખ રૂપિયા છે. તમે તેને 30,000 રૂપિયાનું ડાઉનપેમેન્ટ ચૂકવીને પણ ખરીદી શકો છો, ત્યારબાદ તમારે લગભગ 5,500 રૂપિયાની EMI ચૂકવવી પડશે.

બેટરી અને રેન્જ
Oben Rorr ઈલેક્ટ્રિક બાઇક કંપની દ્વારા બનાવવામાં આવી છે જે એકવાર ફુલ ચાર્જ થવા પર 187 કિલોમીટર સુધીની મુસાફરી કરી શકે છે. તેની બેટરીને 80% સુધી ચાર્જ થવામાં માત્ર 2 કલાકનો સમય લાગે છે અને આ બાઈક એક મિનિટના ચાર્જમાં 1 કિલોમીટર સુધી ચાલી શકે છે. તેમાં લિથિયમ ફોસ્ફેટ બેટરીનો ઉપયોગ કરવામાં આવ્યો છે જે ip67 વોટર અને ડસ્ટ પ્રોટેક્શન સાથે આવે છે. આ બાઇકમાં 12.3bhpનો પાવર જનરેટ કરતી પાવરફુલ ઇલેક્ટ્રિક મોટર લગાવવામાં આવી છે. આ બાઇકની ટોપ સ્પીડ 100 kmph છે અને તે માત્ર 3 સેકન્ડમાં 0 થી 40 kmphની ઝડપ પકડી શકે છે.

ફીચર્સ 
આ ઈલેક્ટ્રિક બાઈકમાં અનેક સેફ્ટી ફીચર્સ ઉપલબ્ધ છે. તમે તમારા સ્માર્ટફોન સાથે બાઇકને કનેક્ટ કરી શકો છો અને જીઓ ફેસિંગ અને ડ્રાઇવર એલર્ટ સિસ્ટમ જેવી સિસ્ટમ્સ પણ ઉપલબ્ધ છે. ઉપરાંત, જો કોઈ ચોર તમારી બાઇક ચોરી કરવાનો પ્રયાસ કરે છે, તો બાઇકની સિસ્ટમ તમને ઇમરજન્સી એલર્ટ આપશે. વધુમાં, તમે કોઈપણ સમયે તમારી બાઇકની ઍક્સેસને બંધ કરી શકો છો, તેને સંપૂર્ણપણે લૉક કરી શકો છો. આ બાઇકમાં બંને વ્હીલ પર ડિસ્ક બ્રેક આપવામાં આવી છે જે સેફ્ટી માટે ખૂબ જ ઉપયોગી છે.