Latest Gadget: હવે વગર નેટવર્કે પણ કરી શક્શો કોલ. જોરદાર છે આ ટ્રિક

જો ફોનમાં નેટવર્ક નહીં હોય તો કૉલ કરવો મુશ્કેલ બની જાય છે. ઘણી વખત ઈમરજન્સીમાં નેટવર્કના હોવાથી પણ સમસ્યા સર્જાતી છે. પરંતુ શું તમે જાણો છો કે તમે નેટવર્ક વગર પણ કોલ કરી શકો છો. જી હા, WiFi કૉલિંગની મદદથી તે શક્ય છે. હવે તમે વિચારતા હશો કે આખરે આ વાઈફાઈ કોલિંગ શું છે અને તમે તેનો ઉપયોગ કેવી રીતે કરી શકો છો? આવો જાણીએ.

શું હોય છે Wifi Calling?
WiFi કૉલિંગ એ એક એવી સુવિધા છે જે તમને તમારા SIM કાર્ડના સેલ્યુલર નેટવર્કને બદલે બ્રોડબેન્ડ કનેક્શન પર વાત કરાવે છે. જ્યાં નેટવર્ક ઉપલબ્ધ નથી ત્યાં પણ તમે આ સુવિધાનો લાભ લઈ શકો છો. આનો અર્થ એ છે કે WiFi કૉલ્સ માટે ફોનના નેટવર્કની જરૂર નથી.

Wifi Callingના શું હોય છે ફાયદા?
WiFi કૉલિંગનો સૌથી મોટો ફાયદો એ છે કે તમે નેટવર્ક વિના પણ HD વૉઇસ કૉલ કરી શકો છો. જોકે, આ ત્યારે જ શક્ય બને છે જ્યારે બ્રોડબેન્ડની સ્પીડ સારી હોય. આજકાલ આવતા મોટાભાગના સ્માર્ટફોનમાં વાઈફાઈ કોલિંગની સુવિધા છે. એટલા માટે તમે સરળતાથી તેનો લાભ લઈ શકો છો.

Wifi Callingનો ઉપયોગ કેવી રીતે કરાય?
- સૌથી પહેલા તમારા ફોનના સેટિંગ્સમાં જાઓ
- હવે Wifi & Network વિકલ્પ પર ક્લિક કરો
- આ પછી સિમ અને નેટવર્ક સેટિંગ્સ પસંદ કરો
- હવે એક્ટિવ સિમ પસંદ કરો અને VoLTE અને Wi-Fi કોલિંગ બંનેને એનેબલ કરો.
- હવે તમે Wifi કૉલિંગ માટે તૈયાર છો
- કોઈપણ કંપનીનું બ્રોડબેન્ડ કનેક્શન કામ કરશે
- કોઈપણ બ્રોડબેન્ડનો ઉપયોગ કરો
- સૌથી સારી વાત એ છે કે તમે WiFi કૉલિંગ માટે કોઈપણ કેરિયરના બ્રોડબેન્ડ કનેક્શનનો ઉપયોગ કરી શકો છો. તમારી પાસે બ્રોડબેન્ડ કનેક્શન અને WiFi કૉલિંગ સપોર્ટ સાથે મોબાઇલ ફોન હોવો જરૂરી છે.