Viral Video: ઘરમાં છુપાયો હતો કોરોના સંક્રમિત વ્યક્તિ, ક્રેનથી ખેંચીને બહાર કાઢ્યો અને....

બેઇજિંગઃ Corona Patient Pulled Out By Crane: ચીનથી ફેલાયેલા કોરોના વાયરસે દુનિયામાં હડકંપ મચાવી દીધો હતો. આ દિવસોમાં ચીનમાં ફરી કોરોના સંક્રમણના કેસ વધી રહ્યાં છે. આ વચ્ચે ચીનના એક શહેરનો વીડિયો સામે આવ્યો છે, જેમાં જોવા મળી રહ્યું છે કે કોરોનાના એક દર્દીને ક્રેનની મદદથી તેના ઘરની છત પરથી બહાર ખેંચવામાં આવ્યો. આ ત્યારે થયું જ્યારે વ્યક્તિ છુપાઈને પોતાના ઘરમાં બેઠો હતો. 

ઘણા શહેરોમાં બીજીવાર લૉકડાઉન
હકીકતમાં આ વાયરલ વીડિયો ચીનના એક શહેરનો છે. મીડિયા રિપોર્ટ પ્રમાણે ચીનમાં કોરોનાએ ફરી ગતિ પડકી લીધી છે અને તેના કારણે ઘણા શહેરોમાં ફરી લૉકડાઉન લગાવી દેવામાં આવ્યું છે. લોકોને સોશિયલ ડિસ્ટેન્સિંગનું પાલન કરવાની અપીલ કરવામાં આવી રહી છે. આ વીડિયોમાં તે જોવા મળી રહ્યું છે કે ક્રેનની મદદથી એક દર્દીને ઘરના ઉપરના માળેથી બહાર કાઢવામાં આવ્યો છે. 

中国式现代化。【方老师，投稿一个防疫大革命的荒谬视频。一个阳性患者被吊机吊出小区，因为他们不敢进去接，也不想患者的细菌留在地板上，这样能保证最小的接触面积。】 pic.twitter.com/2BM3Afm3V6

— 方舟子 (@fangshimin) October 25, 2022

ઘરમાં છુપાયો હતો પોઝિટિવ દર્દી
જાણવા મળી રહ્યું છે કે ક્રેનમાં બેઠેલો આ વ્યક્તિ કોરોના પોઝિટિવ છે અને ચીની અધિકારી ઈચ્છતા નહોતા કે કોઈપણ વ્યક્તિ પોઝિટિવ દર્દીના સંપર્કમાં આવે. અધિકારીઓને જાણવા મળ્યું કે આ વ્યક્તિ ઘરની બહાર આવી રહ્યો નથી. ત્યારબાદ તેના ઘરે એક ટીમ પહોંચી અને તેને બળજબરીપૂર્વક બહાર કાઢવામાં આવ્યો હતો. 

આ પણ વાંચોઃ OMG! આ વ્યક્તિની આંખમાં ફ્લેશલાઈટ...Video જોઈને ચોંકી જશો

પરંતુ આ વીડિયો ચીનના ક્યા શહેરનો છે તેની જાણકારી સામે આવી નથી પરંતુ ચીનના એક ચર્ચિત લેખતે આ વીડિયોને શેર કર્યો છે. નોંધનીય છે કે કોરોનાને લઈને ચીની સરકાર દ્વારા ઝીરો કોવિડ પોલિસી અપનાવવામાં આવી છે. હાલ આ વીડિયો વાયરલ થઈ રહ્યો છે.